Desteya siyasî ya Hevbendiya Niştimanî ya Sûrî, îro pêncşemê, civîna xwe ya asayî lidar xist, tê de pêşhatên meydanî û siyasî di dosya Sûriyê de gengeşe kirin û li raportên ofîs, rêveberî û girûpên kar guhdarî kirin.
Cîgira Serokê Hevbendiya Niştimanî ya Sûrî Dîma Mûsa, kurteyek li ser tevgerên vê dawiyê yên serokatiya Hevbendiyê yên şopandina rewşa hundurîn a Sûriyê herweha pêşhatên dosya Sûriyê li ser asta herêmî û navdewletî pêşkêş kir.
Cîgirê Serokê Hevbendiya Niştimanî ya Sûrî Ebdulmecîd Berekat, behsa hilbijartinên ku ji aliyê Yekîtiya Xwendekarên Sûriyê yên Azad ve hatine lidarxistin û şopandina Grûpa Kar ya Sendîkayan û Federasyonên Pîşeyî ji wan re kir ku di encamê de Ebdulla Merendî wek serokê Yekîtiyê bo cara duyem hat hilbijartin.
Di civînê de Cîgirê Serok Ebdulhekîm Beşar behsa civîna xwe ya ligel partiyên niştimanî yên Kurd li Hewlêrê kir ku di tê de behsa pêşhatên dawî yên dosyaya Sûriyê kirin, herwiha li ser hevdîtina li gel nûnerên kampên penaberên Sûriyê yên li Herêma Kurdistana Iraqê û şopandina rewşa penaberan û hewcedariyên wan axivî.
Û hevrêzkarê Girûpa Karê Penaber û Koçberan Ehmed Bekûra, behsa workşopa ku Girûpê bi sernavê “Sûriyeyên li Libnanê: Pirsgirêk û Derfet” li dar xist kir ku tê de mêvandariya parêzer Mihemed Sebloûh yê wek yek girîngtirîn çalakvanê mafên mirovan li Libnanê tê dîtin kirbû.
Bakûra encamên workşopê nirxandin û tekezî li ser giringiya ku Sûrî berê xwe bidin civaka navdewletî kir, bi taybetî welatên bexşîner ên alîkariyan didin hikûmet û artêş û asayişa Libnanê, da wan han bidin ku fişarê li van dezgehan bikin ji bo binpêkirinên li dijî penaberên Sûriyê rawestînin û bihêlin ku rêzê li mafên mirovan li Libnanê bigirin.
Herwiha di encaman de tekezî li ser pêwîstiya berdewamkirina belgekirina hemû binpêkirin û zêdegaviyan bi şêweyê qanûnî yê guncaw kir, wek despêka dadpirsîn û sizadanê, her weha xwespartina dadweriyê li Libnanê û dervî Libnanê û vekirina dosyan li dijî berpirsên binpêkirinan û vegerandinên kotekî û radestkirina penaberan ji rêjîma Esed re û binpêkirinên ji bilî wan jî.
Jêder: Ofîsa Ragihandinê ya Hevbendiya Niştimanî ya Sûrî
