Serokê Hevbendiya Niştimanî ya Sûrî Hadî El-Behra, sersaxîya malbatên sivîlên bêguneh ên di encama bombebarana Rêjîmê û alîgirên wê li ser bajarê Sermîn ,duh duşemê, şehîd bûne kir, û çakbûna zû ji birîndaran re xwest.
Al-Behra bi pirsyarî got: Gelo wê çiqas dem hewce be da cîhan bizanibe ku berdewamiya armanckirina sivîlan ji aliyê rejîmê ve û redkirina wê ya berdewam ji pêvajoya siyasî ya ji aliyê Neteweyên Yekbûyî ve tê piştgirîkirin re, tê wateya berdewamiya kuştin û tawanên cengê li dijî sivîlan û têkdana aramî û aştiyê li Sûriyê û deverê û derketina qeyranên zêdetir?
El-Behra got ku duh, duşemê, dema xelkê haziriya fitara xwe dikir, rêjîma Esed û alîgirên wê mûşek bi ser bajarokê Sermîn ê gundewarê Idlibê barandin, û di encamê de hejmarek ji sivîlên bêguneh hatin kuştin û birîndarkirin, bi sedema armanckirina bi zanebûn ji bazara bajêr û taxên wî û yek ji dibistanên wî re.
El-Behra bang li civaka navdewletî kir da bi berpirsyariyên xwe li hember Sûriyê hest bibe, ji ber ku her derengmayîn di pêkanîna dadmendiyê û sizanedana sûcdarên cengê de, û nedîtina rêyên pabendkirinê ji bo pêşdebirina pêvajoya siyasî li gorî biryara 2254, tê wateya xwîna zêdetir a mirovên bêguneh û mezintirbûna trajediya koçberan.
Berevaniya Sivîl a Sûriyê di raportekê de eşkere kir ku hêzên rejîmê duh, duşemê 1ê nîsanê, bajarê Sarmîn li gundewarê rojhilatê Idlibê, bi 20 mûşekan armanc kir, di encamê de zarokek û jinek hatin kuştin, 10 sivîl birîndar bûn, 5 jê zarok 2 jin in, hinek ji wan birînên wan giran in.
Berevaniya Sivîl bal kişand ser wê yekê ku êrîşan li ser taxên niştecihbûnê yên bajarê Sermîn û qada bazarê û dibistana Abdo Selama (li derveyî saetên kar) ên nêzîkî avahiyên tenduristiyê li bajêr, ji bilî ziyanên canî, ziyanên mezin gihiştin mal û milkên sivîlan û dibistana Abdo Selama ya armanckirî.
Jêder: Ofîsa Ragihandinê ya Hevbendiya Niştimanî ya Sûrî
