Serokê Hevbendiya Niştimanî ya Sûrî Hadî El-Behra bi Cîgira Serokê Şanda Yekîtiya Ewropî li Netewên Yekbûyî li New Yorkê balyoz Hedda Samson re civiya û behsa piroseya siyasî û sedemên rawestana wê kirin.
El-Behra bi hûrgilî li ser rewşa penaberên Sûrî li Libnanê û binpêkirinên ku dijî wan tên kirin ji encama kampanyaya niha ya dersînorkirin û vegerandina bi darê zorê rawestiya, di nav de girtiyên siyasî yên di zindana Rumiye de, ji ber berdewamiya nebûna mercên guncaw ji bo vegera wan a bi dilxwazî û rûmetdar û ewle.
Di hevdîtinê de tekezî li ser giringiya hebûna hewlên zêdetir ên navdewletî ji bo rênedana van binpêkirinan û nehiştina têkçûna rewşa Libnanê hat kirin.
Herdu aliyan dosya alîkariyên mirovî, kêmbûna wan û çawaniya zêdekirina kartêkerkirina bûdceya niha bi rêya piştgirîya şiyanên hilberînê li deverên ku penaber lê ne, bi taybetî bernameyên piştgiriya cotkaran gotûbêj kirin.
Serokê Hevbendiya Niştimanî bal kişand ser hebûna kêmbûneke mezin di dabînkirina bûdceyên alîkariya mirovî ya ku welatan soz pê dabûn, ji ber ku ew bûdce di sala 2024an de bi 4.07 milyar dolar hatibû destnîşankirin, lê diravê rastî ne zêdî 200 milyon dolar bû, ku rêjeya 5.4% ji nirxê wê heta dawiya meha nîsana îsal pêk anî, û tekezî li ser wê yekê kir ku pêwîst e welatên cîhanê bi erkên xwe rabin, bi taybetî berî lidarxistina Konferansa Brûkselê di gera wê ya heştemîn de li ser asta wezîran.
Di heman çarçoveyê de, herdu aliyan li ser pirsa başbûna zû û pêwîstiya birêvebirina hemû aliyên wê bi şêweyekî bêalî, bi cîbicîkirina karê xwe û belavkirina pirojeyên xwe bi awayekî dadane li gorî dabeşkirina niştecihan li hemû herêmên Sûriyê bê cudahî, ji ber çi sedemê be.
Herwiha El-Behra tekezî li ser wê yekê kir ku pêwîst e hemû karîn têkevin xizmeta cîbicîkirina biryara jimare 2254 a sala 2015an de, û tekez kir ku sedemên bingehîn ên kirîza mirovî siyasî ne, û ti çareseriyeke mirovî ya berdewam ji kirîza mirovî re nîne, ji bilî bi rêya vegerandina yekbûna Sûriyê bi xak û gelê wê ve û peydakirina jîngeheke ewle û bêalî ya ku penaber û derbideran han bide li ser vegera bi dilxwazî, ewle û rûmetdar, û ev yek tenê bi cîbicîkirina biryarên navdewletî yên girêdayî Sûriyê bi temamî û bi awayekî vebir pêk tê.
Jêder: Ofîsa Ragihandinê ya Hevbendiya Niştimanî ya Sûrî
