Serokê Hevbendiya Niştimanî ya Sûrî Hadî El-Behra tekez kir ko Rêjîma Esed guh nade hemû tiştên ku li deverê çêdibin, di nav de zêdebûna aloziyan û berdewamiya êrîşên Israîla dagîrker, û sivîlan li navçeyên rizgarkirî bombebaran dike.
Di dema dawî de operesyonên bombebarankirinê yên hêzên rêjîmê û milîsên mezhebperest li ser deverên sivîl li bakurê Sûriyê zêde bûne, her weha bikaranîna dronên xwekujî ku duh bû sedema kuştina sivîlekî li gundê Qesir li gundewarê rojava yê Helebê di encama topbarandina li ser deverên niştecihan de.
El-Behra tekez kir ku rêjîma Esed û piştgirên wê hîn jî sivîlan li navçeyên rizgarkirî wek armanceke sereke ji top û mûşekên xwe re dibînin.
El-Behra bang li civaka navdewletî kir ku dosya Sûriyê bi behaneya pirbûna krîzan li seranserê cîhanê paşguh neke, û kar ji bo pêkanîna veguheztina siyasî, cîbicîkirina biryarên Encûmena Ewlekariyê 2254 û 2118, û bidawîkirina qeyranên rêjîma Esed û alîgirên wê li Sûriyê bike.
Jêder: Ofîsa Ragihandinê ya Hevbendiya Niştimanî ya Sûrî
