Serokê Hevbendiya Niştimanî ya Sûrî Hadî El-Behra pêşwaziya şandeke Wezareta Derve ya Fransayê kir, şanda ji berpirsê dosyeya Sûriyê li Wezareta Derve ya Fransa li Parîsê Refaîl Semame, û berpirsa dosyaya siyasî li konsulxaneya Fransî li Stembolê, Amal Bin Haqûk, û tê de pêşhatên rewşa dosyeya Sûriyê gotûbêj kirin, nemaze tawanên berdewam ên ku ji aliyê rêjîma Esed û hevparên wê ve li dijî sivîlan li herêmên rizgarkirî tên kirin da ewlehî û aramiya wê deverê têk bidin.
El-Behra tekezî li ser pêwîstiya rawestandin û rêgirtina li van êrîşan kir bi rêya dabînkirina deverên ku ew êrîş ji wan tên, û herwiha misogerkirina vegera bi dilxwazî, ewle û rûmetdar a awareyan bo wan gund, bajarok û bajarên ku ew jê hatine derxistin. Ji bo aktîvkirina proseya siyasî ya ku rêjîm û alîgirên wê asteng dikin, û got ku ji bo van sedeman hemûyan şer li gundewarê rojavayê Helebê dest pê kir, armanca wî ya yekem parastina sivîlan û rêgirtina li êrîşan bû.
El-Behra tekezî li ser pêwîstiya peydakirina aramiyê li seranserî Sûriyê kir, û rawestandina tawanên rêjîma Esed û piştgirên wê li dijî sivîlan, ku ev 13 sal in ranewestiyane, û rêxistinên mafên mirovan bi awayekî dembidem wan belge dikin.
Û tekez kir ku pêwîst e mercên guncaw peyda bibin ji bo aktîvkirina proseya siyasî û cîbicîkirina biryarên navdewletî yên girêdayî bi pirsa Sûriyê re, bi taybet daxuyaniya Cinêvê û biryarên 2118 û 2254, û tekez kir ku giheştina çareseriyeke siyasî ya dadmend bi riya çareseriyeke berdewam li Sûriyê pêk tê, da ewlehî û aramiyê vegerîne Sûriyê û tevahiya herêmê.
El-Behra bal kişand ser wê yekê ku gihiştina veguheztina siyasî tekane rê ye ku dikare penaberên Sûriyê razî bike ku vegerin mal û warên xwe yên resen, û rê dide ku şert û mercên siyasî ji bo lidarxistina hilbijartinên azad û dadane di bin çavdêriya Neteweyên Yekbûyî de li Sûriyê bên lidarxistin.
Piştre Desteya Pêwendiyên Derve bi amadebûna Cîgirên Serok Ebdulmecîd Berekat û Dîma Mûsa, hevrêzkarê Desteya Pêwendiyên Derve Ebdul Ehed Stêfo û endamê desteya siyasî Selîm Xetîb, civîneke din ligel şanda Wezareta Derve ya Fransa lidar xist.
Berekat bal kişand ser şert û mercên mirovî yên dijwar ên li herêmên rizgarkirî, û tekezî li ser girîngiya bicihanîna dewletan ji soz û erkên xwe re li hember sivîlan, di warê tenduristî, perwerdehî û xizmetguzariyê de, bi taybetî ku zivistan hatiye, û karkirina ji bo avakirina projeyên nû ên ku piştgîriya aramiya xelkê dikin û alîkariya wan dikin da li deverên xwe bimînin.
Berekat behsa rola giring ya Fransayê di nav Yekîtiya Ewropî de kir, di dema hewlên hin welatan ji bo asayîkirina peywendiyan bi rêjîma Esed re, û pêwîstiya pabendbûna bi “sê na”yan ku siyasetên Yekîtiya Ewropî li hember rêjîmê li ser wan hatine avakirin, heta pêşketinên bêveger di pêvajoya siyasî de pêk werin.
Jêder: Ofîsa Ragihandinê ya Hevbendiya Niştimanî ya Sûrî
