Endamên Hevbendiya Niştimanî ya Sûrî Heysem El-Şehabî û Mihemed Selîm El-Muxlif, beşdarî di çalakiya “Girnijîna Şahiyê” de kirin, ya ji aliyê Tevgera Rizgarkirin û Avakirinê ve li bajarê Efrînê ji bo sêwiyan û zarokên şehîdan bi amadebûna nûnerên rêxistinên civaka sivîl û çalakvanên aborî û civakî hat lidarxistin.
El-Şehabî silavên Serokê Hevbendiya Niştimanî Hadî El-Behra û spasiyên wî gihandin Tevgera Rizgarî û Avakirinê û rêxistin û çalakvanên di çalakiyê de beşdar bûne, û bi navê Serokê Hevbendiya Niştimanî gotarek pêşkêş kir, tê de tekezî li ser giringiya berdewamiya şoreşa Sûriyê û parastina pirensîpên wê û dilsoziya bi kesên ku canê xwe feda kirine re ji bo rizgarbûna ji stemkariyê û bidestxistina azadiyê kir.
Şehabî da zanîn ku guhdana zarokên şehîdan di hemû waran de erk e li ser milê her kesî, û got ku pêwîstiya wan ne tenê bi piştgiriya madî heye, pêwîstiya wan bi guhdana derûnî û perwerde û şîretan jî heye, ji ber ku ew hêviya niştiman û paşeroja wî ne, û got: “Em bi wan bi ser dikevin, bi wan re rê didomînin, di rojên tarî de rê bi wan ronî dibe û em bi wan di rêçên bi kelem de armancan nas dikin.”
Jêder: Ofîsa Ragihandinê ya Hevbendiya Niştimanî ya Sûrî
