Emîndarê giştî yê Hevbendiya Niştimanî ya Sûrî Heysem Rehma, spasiya Erebistana Siûdî û Xizmetkarê Herdû Perestgehên Pîroz Şah Selman Bin Ebdulezîz Al Siûd û Welîehdê wî Mîr Mihemed Bin Selman kir, li ser rawestana wê li kêleka gelê Sûriyê di salên dirêj ên şoreşa Sûriyê ya ku rêjîma Esed hilweşand de.
Rehma di daxuyaniyekê de roja Sêşemê got: “Me bi guhdan daxuyaniya Wezareta Derve ya Erebistana Siûdî piştî serkeftina şoreşa Sûriyê şopand, ku tekezîyê li ser rawestana li kêleka gelê Sûriyê dike, û gelê Sûriyê rêzê li gelê Erebistana Siûdî digre û spasiya wî dike li ser alîkariya ku berê ji daxwazên gelê Sûriyê re pêşkêş kirine.”
Herweha Emîndarê Giştî yê Hevbendiyê got: Em şahiyên mezin ên ku li Erebistana Siûdî pêk tên ji bo parvekirina şahiyê bi birayên xwe yên gelê Sûriyê re di şahiya wan a mezin de bi boneya rizgarbûna ji rejîma stemkar, bi guhdan dişopînin.
Rehma tekez kir ku gelê Sûrîyê hêvîdarê hevkarî û hevpariya bêhtir e bi Erebistana Siûdî re di qonaxa niha de û ta demên dirêj, ji ber ku ew aktorekî sereke ye li herêmê, û peywendiyên dîrokî û têkiliyên dostane di navbera wê û Sûriyê de hene, her weha ew berfirehiya Sûriyê ya Erebî ye.
Jêder: Ofîsa Ragihandinê ya Hevbendiya Niştimanî ya Sûrî
