Serokê Hevbendiya Niştimanî ya Sûrî Hadî El-Behra, pêşwaziya şandeke Wezareta Derve ya Amerîkayê kir ku ji rêveberê Platforma Sûriya wek Herêm Nicholas Granger û berpirsê siyasî di Platformê de Tyler Joyner pêk hatibû û bi wan re dawîn pêşhatên meydanî û rewşa siyasî di dosyaya Sûriyê de gotûbêj kirin.
Di civînê de Cîgirên Serokomar Ebdulmecîd Berekat û Dîma Mûsa, Sekreterê Giştî Heysem Rehma û Kordînatorê Beşa Têkiliyên Derve Ebdul Ehed Estifû amade bûn.
Di hevdîtinê de nêrînên derbarê rewşa siyasî û kirîzên herêmê yên bandorê li dosya Sûriyê dikin gengeşe kirin, û El-Behra amaje bi nebûna stratejiyek yekgirtî ya civaka navdewletî ji bo bidestveanîna çareseriyeke siyasî li gorî biryara Encûmena Ewlekariyê jimare 2254 kir ku vê yekê hiştiye hin welat li şûna ku bi awayekî ciddî tevlî çareseriyê bibin, berê xwe didin polîtîkayên rêvebirina krîzê.
El-Behra hişyarî da li ser berdewamiya êş û azarên penaberên Sûriyê û hewildanên berdewam ji bo neçarkirina wan li ser vegera Sûriyê, bi taybetî li Libnanê, û tekez kir ku vegereke bi dilxwazî û ewle ya penaberên Sûriyê pêk nayê ji bilî bi rêya proseyeke siyasî ya rastîn ya bihêle aştiya berdewam li herêmê peyda bibe.
Herwiha tekezî li ser pêwîstî û giringiya pêşketina aborî li bakurê Sûriyê kir, ku pêwîstîya wê yekê bi pirkirina xebata saziyên hêzên şoreş û opozisyonê di çarçoveya baştirkirina sîstemên rêvebirinê li wan herêman heye, û pêwîstiya wan deveran bi veberhênanê di warê mirovî de û karînên çandinî, pîşesazî û bazirganî heye, û pêdivî bi piştevaniya navdewletî û rêxistinên wê yên pispor di piştevaniya aramiyê û saziyên darayî yên ku bikarin fînansekirina projeyên piçûk û navîn bikin heye. Her wiha amaje bi çalakî û hewlên Sindoqa Qerzdanê li navçeyên rizgarkirî kir ji bo piştgirîkirina cotkaran û ewlehiya xwarinê, û bal kişand ku pêşveçûna aborî ya herêmê yek ji faktorên herî girîng e ya bibe alîkar ji bo pirosesa siyasî, û derfetê dide sûriyan ku nema ji welatê xwe koçber bibin û li welatin din bibin penaber.
Her wiha serokê Hevbendiya Niştimanî rêyên pêşdebirina piroseya siyasî ya bi sponseriya Netewên Yekgirtî li Cinêvê gengeşe kirin, û bal kişand ser berdewamiya daxwaz û hêviyên Sûriyan ji bo pêkanîna dadwerî, azadî û demokrasiyê, li deverên curbicur ên Sûriyê, û amaje bi tevgera sivîl a aştiyane li Siwêdayê û derbasbûna salekê di ser destpêkirina wê re kir, û bal kişand ser wê yekê ku Siwêda mînakek jîndar e ya sûrbûna gelê Sûriyê li ser bidestveanîna çareseriyeke siyasî û dabînkirina maf û azadiya welatiyan û dadmendiyê di pergalek demokratîk de li gor destûrekê ku li ser bingeha pirrengiya siyasî û qanûnên ku rûmeta welatiyan diparêzin ava bibe.
Ji aliyê xwe ve, Rêveberê Platforma Sûriyê wek Herêm di Wezareta Derve ya Amerîkayê de, Nicholas Granger, tekez kir ku siyaseteke Amerîkayê ya zelal li hember dosya Sûriyê heye, li gor pêwîstiya bidestveanîna çareseriyeke siyasî ya ku bigihê daxwazên rewa yên gelê Sûriyê ye li ser bingeha biryara Encûmena Ewlekariyê jimare 2254, her weha tekez kir ku welatê wî roleke giring di mijara alîkariyên mirovî û piştevaniyê de ji bo baştirkirina rewşa aborî li bakurê Sûriyê dilîze ji bo kêmkirina piştgirêdana bi sepetên xwarinê. Her wiha di dawiya axaftina xwe de bal kişand ser wê yekê ku Amerîka dê li siyasetên xwe yên ku piştgirîyê nadin normalîzekirina têkiliyan bi rejîmê re, ranekirina sizayan û fînansenekirina operasiyonên nûavakirinê berdewam bike, eger pêşketinên zelal û bêveger di pêvajoya siyasî de li gorî biryara jimare 2254 ya Encûmena Ewlekariyê peyda nebin.
Jêder: Ofîsa Ragihandinê ya Hevbendiya Niştimanî ya Sûrî
