Endamê Encumena Niştimanî ya Kurd Muhsin Tahir di hevpeyvînekê bi beşê kurdî ji Malpera Hevbendiya Niştimanî Sûrî re, got ku Despêşxeriya Rûsiya ji bo pişgiriya rêjîmê û jihevxistina rikberiya siyasî hatiye. Tahir li ser dûrxistina sê partiyan ji Encumena Kurdî got ku van hersê partiyan soza Encuman bicî nanîn û bawerî di nava Encuman de nehiştin.. her weha Tahir nerînên xwe li ser rêkeftina Dihokê û lêvegera Siyasî diyar kirin..
-Rûsiya destpêşxeriyek ji bo çareseriya kirîza Sûriyê pêşkêş kiriye, hûn çawa vê gavê dinirxînin?
Despêşxêriya Rûsiya ji bo piştgiriya rêjîmê ji hêla hêzên herêmî û navdewletî hatiye, di dema wenabûna rola Amerîkî li Sûriya û Iraqê û berdewambûna êrîşên hêzên navdewletî , û Amerîka mijûl e bi doseya Îranê û kirîzin din weke Okraniya.
Di nerîna min de ev destpêşxêrî weke dîdareke şêwermendiyê ye, û tê xwestin ew têkeve şûna cinêv1 de, û mebesta wê xizmeta rêjîmê û jihevxistina rikberiya siyasî û şerpezekirina hêzên xwedî rol li ser zemîna Sûriyê ye.
-Hevbendiya Sûrî helbijartinên xwe çêkirin, tu rewşa wê çawa dibîne?
Em tevde dizanin ku Hevbendiya Sûrî nûnerê mezin û rewa ye ji rikberiya Sûrî re, kombendên rengereng di nava wê de hene, û karekî hevbeş wan dighîne hev, û ew hilbjartin ji tevaya hêzan re karekî rewa ye ku herkes dixwaze tê de biser bikeve, û di dawiyê de di bin siya dîmuqratiyê de herkes pabend e bi encamên wan helbijartinan, tevî ku gelek têbîniyên me li ser rewşa hevbendiyê ya siyasî û meydanî hene.
– ENKS biryara dûrxistina sê partiyan ji nava encuman stend, ta çi radeyê tu vê biryarê rast dibîne?
Rewatiya vê biryarê ji erêkirina tevaya endmên Encuman hatiye û tu kes di riwê wê de ranewestiya, biryar di 5-12-2014an de hat stendin piştî hilbjartina her 12 endamên lêvegera siyasî, û tê de rê li ber nûnerên Kobanî Efrîn û Îzîdiyan vekir.
Berî biryarê nûnerên Encuman soz dabûn ku dengên xwe bidin berbijêrên xwe, lê wan kesan soza Encumen bicî nanî.
Wan bi vî karê xwe bawerî di nava Encuman de nehişt, û biryara dûrxistina wan wek sizakirinê hat.
Posta ENKS di Hevbendiyê de vala ye, we kesin li şûna kesên dûrxistî destnîşan kirine?
ENKS nameyek ji Hevbendiyê re şandiye, ku nûnerê partiyên dûrxistî ji nava xwe derîne, da ku du kesan li şûna wan helbijêre.
-Lêvegera siyasî civatek lidar xist bi amadebûna hersê partiyên dûrxstî ji ENKS, çi bandora wê gavê li ser têkiliyên we li gel TEV-DEM ê heye?
Rêkeftina Dihokê di nav du alîyên siyasî de hatiye emzekirin ( ENKS,TEV-DEM) û biryarên wê bi şêweyê lihevkirinê wê bêne stendin tevlî ragihandina cih û demên civatan , lê (TEV-DEM) ji ber xwe ve dema civata lêvegerê ragihandibû bê ku hayê ENKS jê hebe, û em li benda li darxistina civata lêvegera siyasî ne bi 30 endamêm xwe, Ji bilî wilo çarenivîsa rêkeftina Dihokê nediyar e.
