Careke din rêjîma Esed li dijî Sivîlên Sûrî gazên qedexekirî bikar anî, ku duhî êvarî, firokên Esed bermîlên teqîner yên gaza Kilorê di wan de avêtin li ser gundê Elseyad li gundewarê Hemayê û bû egera ku bêhtir ji 40 welatiyên Sivîl tûşî bêhinçikînê bûn û di nav wan de zarok û jin jî hebûn. Li aliyekî din artêşa Azad berdewamiyê dide şerên xwe li gundewarê Hemayê, ku bi mûşekeka “Taw” rêbenda Betîş armanc kir û di encamê de tankak têkşikest. û duhî li gundê Elstîhat li gundewarê rojhilatê Hemayê û di kemîneka artêşa Azad de 4 çeteyên Esed (şebîhe) hatin kuştin, hevdem bû ligel têkşikandina otombêleka hêzên Esed û kuştina hemû serbazên têde li gundê Om Xrîza li gundewarê rojhilatê Hemayê. Di heman demê de, şervanên artêşa Azad bi topên hawinan hin serbazgehên Esed li rex rêbenda Şeliyot li gundewarê rojavayî Hemayê armanc kirin, herwiha êvara duhî û li gundewarê Hemayê artêşa Azad gelek ziyanên mirovî û madî gihandin hêzên Esed.
Jêder: Hevbendî+Şam+ Semart))
