Daxuyaniyeke Rojnamevanî
Hevdem bi serkeftinên Şoreşgeran li Bakurê Sûriyê li dijî Rêjîma Esed ku di çend heyvan de çendîn Gund û Bajar rizgar kirine, Artêşa Azad li aniya Başûr bi têkbirina Rêkxistina Dewletê bi yekcarî Parêzgeha Dera û Qunêtira kontrol kir.
Artêşa Azad bi xêra hevkarî û yekbûna alayan û di bin fermandariya yek serperiştiyê dîsa tekez kir ko tenê ew dikare Rêkxistinên tirorist têk bibe û wan tune bike. Tev ko piştgiriyeke baş jê re nîn e û herdem di navbera du agiran de ye, agirê Rêjîmê û yê Rêkxistinên tirorist, hem jî em dizanin ko ev bêtir ji salekê Rêjîm ji Rêkxistina dewletê re sîwaneke asmanî peyda dike.
Ev serkeftinan tekez dikin ko rewşeke nû peyda bûye gerek plan li ser bêne avakirin da çareseriyeke dawî bê dîtin, ko amancên gelê Sûriyê misoger bike.
Gerek bizav bêtir bibin, da rê li ber veguhastineke siyasî vebe û ev kuştina ko Rêjîm dike bidawî bibe û dergeh li ber geşepêdan û avakirina Sûriyê vebe. Û Sûriya ber bi dewleteke sivîl ve bête veguhestin.
Hevbendiya Niştimanî baweriya xwe dubare tekez dike, bi Hêzên Şoreşê yên ko berevaniya Sivîlan dikin û bi pirinsîbên Şoreşê û sincên wê pabend in û rêza peyman û belgeyên navdewletî digirin. Û em jî li ser helwesta xwe ya siyasî ne û bi pirinsîbên Şoreşê pabend in heta em Rêjîmê birûxînin.
Berdevkê Hevbendiya Niştimanî ya hêzên Şoreşê û Hevrikiya Sûriyê
Salim Elmislit
29 Nîsan 2015
