Daxwiyaniyek rojnamevanî
Hevbendiyê civînên rola 49emîn a Desteya Giştî, di 18- 19ê kanûna paşîn de, bi rawestana xuleke bêdeng û xwendina Fatîheyê li ser giyanê pakrewanên şoreşa Sûrî dest pê kir.
Serokê Hevbendiyê , Enes Elebde, gotara xwe ya destpêkirinê bi silav û hurmetgirtinek taybet ji xelkên me yên xweragir ên li Idlibê yên mêrxas û comerd û xwedan giyanê berxwedanê re pêşkêş kir, ji ber ku ew di rewşeke pir aloz re derbas dibin, ji encama êrîşên rijêm û Rûsyayê , yên bi armanca valakirina deverê ji xelkên wê , û derbiderkirina wan di van rewşên seqaya dijwar de, di dema ku civaka navdewletî pişta xwe daye wan û bi rola xwe ya mirovahî ya jê tê xwestin ranabe.
Û serokê Hevbendiyê bal kişand ser ku ti guhertin di rola Rûsyayê de çênebûye, ya dixwaze tevaya deveran têxe bin kontrola rijêmê de, di riya siyaseta xaka şewitî re, û sepandina rêbaza rijêmê ya ku her dem bijardeya leşkerî û ewlekarî dide pêş, di heman dema ku ew tevaya berpirsyariya kirîza aborî û derdeseriya gelê Sûriyê tê re derbas dibe hildigire, ew rewşa xerab ya dihêle welatiyên Sûriyê li hember wê rijêma ku bûye sedema sereke ji êşên wan re raperin.
Û mijara dijminkariya dijî Idlibê û rêznegirtina rijêmê ji agirbestê re, û vekirina gelek aniyên şaer dijî şorşgeran, mjjara sereke ya gengeşeya endaman bû, yên ku tekezî li ser bijardeya berxwedana bi hemî şêwe û rengan kirin, herweha mukumkirina têkiliyan li gel gelê xweragir yên li ser xaka xwe berxwedanê dikin, û cext li ser giringiya yekrêziya siyasî û leşkerî û danûstandina bi tevaya gelê Sûrî re li herderê kirin.
Û ji hêla xwe ve, emîndarê giştî yê Hevbendiya Niştimanî, yê cîgirê serokê komîteya Hecê ye jî, birêz Ebdulbasit Ebdulletîf, raporek têr derbarê serdana xwe ya dawî ji Erebistana Siûdî re û emzakirina girêbestên heca îsal pêşkêş kir, û Ebdulletîf sipasiyên gelê Sûriyê bo Erebidtana Siûdî veguhestin, li ser piştgiriya wan ji hecacên sûrî re û serkeftina berdewam ya dosya heca sûrî , herweha emîndarê giştî behsa karûbarên komîteya hecê û civînên ku dê pêk bînin ji bo pêşxistin û serkeftina hecê di salên dahatî de kir.
Û di rûniştineke taybet de bi amadebûna serok û endamên Hikûmeta Sûrî ya Demkî, behsa rewş û destkeftên hikûmeta demkî hat kirin, bi taybetî di warê berhevkirina Artêşa Niştimanî ya Sûrî , wek artêşeke pîşekar ya bi erkên xwe yên niştimanî radibe, û berdewamkirina rêxistinkirina hêzên polîs û yê ewlekarî jibo parastina ewlehî û mafê mirovan, û çêkirina dadgehên bêlayen jibo dabînkirina dadmendiya dadweriyê, û çalakkirina karê encumanên xwecihî û temamkirina helbijartina hin ji wan , û guhdana karta çandiniyê, herweha pêşdebirina rewşa aborî di hemî waran de, û rêvebirina derwazên sînorî, û guhdana kartên perwerde û hînkirin û tenduristiyê û ji bilî wan jî yên ku Hikûmeta Demikî dixwaze pêşde bibe, tevlî kêmbûna dahatan û rewşên zor û dijwar.
Û herweha Desteya Gişrtî guhdarî li şiroveyekê derbarê pêşhatên pirosesa siyasî û Desteya Danûstandinan a Sûrî kir, û tekezî li ser nameya siyasî ya helwesta Hevbendiyê û têbîniyên wê yên girêdayî bestina kongirekî taybet bo kesên serbixwe zelel dike kir, û tekezî li ser giringiya berdewamiya goftûgoyan li gel birayên Erebidtana Siûdî û aliyên têkildar kirin, jibo gihiştina çaktirîn şêweyê lihevkirinê, yê ku têkiliyên hevbeş û pêvajoya danûstandinên siyasî û rola Hevbendiyê tê de hebe mukumtir dikin.
Û Desteya Giştî hejmarek ji peywendî û hevdîtinên siyasî yên di nav Hevbendiyê û hejmarek ji berpirsyarên dewletên ereb û Tirkiyê û dewletên din û encamên wan ên erênî gengeşe kirin, ji ber ku bûyerên li deverê çêdibin giringiya hevrêzkariyê û karê hevbeş û piştgirtina çareseriya siyasî li Sûriyê û sepandina fişaran li ser rijêmê da ku ber bi biryarên rewa yên navdewletî de were, û destpêkirina pirosesa siyasî bi hemî karûbarên wê ve, ferz bike.
Û derbarê raporên rêveberî û ofîsên bi ser Hevbenidyê ve, Desteya Giştî raporên Ofîsa Peywendiyên Derve û ya Desteye Niştimanî ya Karûbarê Girtî û Bêserûşûnan gengeşe kirin, û destkeft û hevdîtinên di vê doseyê de bûne berçav kirin, ji ber ku dosya girtiya giringtirîn kêşeya hevbendiyê ye, û herweha Ofîsa Yekîtî û Sendîkayan raporek bi hûrbînî derbarê çalakiyên Komîta Olompî ya Sûrî pêşkêş kir, û ofîsa şêwirdariyên Istiratîcî raporek derbarê karê xwe yê 2 heyvên dawiyê pêşkêş kir.
Desteya Giştî berê xwe dide gelê Sûriyê li tevaya deverên ku lê dijîn, çi li hundur bin an jî li deverên derbiderî û penberiyê bin, û silavên germ ji wan re rê dike, û bi rêzgirtin xweragirî û pêgiriya wan bi mafê xwe yê avakirina welateke demoqrat û azad bilind dinirxîne.
Û silavên xwe ji gelê Îraqê yê qehreman re dişîne, û herweha gelê Libnanê re û tevaya gelê ereb yên xebatê jibo bidestxistina maf û azadî û rûmeta xwe dikin .
Silav û hurmet ji giyanê pakrewanan re
Saxî ji birîndaran re
Azadî ji girtiyan re
Serkeftin ji şoreşê re
Hevbendiya Niştimanî ya Hêzên Şoreş û Rikberiya Sûrî
Desteya Giştî
21 kanûna paşîn 2020