Daxwiyaniyeke Rojnamevanî
Hevbendiya Niştimanî tekez dike ku tiştek cihê desteya hukumdarî ya veguhêz bi tevaya desthilatan nagire, û ew ne dipejirîne û ne jî beşdariyê di çi hilbijartinan de dike bi hebûna vê rijêma tewanabar.
Ji aliyê xwe ve Hevbendiya Niştimanî ya Hêzên Şoreş û Rikberiya Sûrî pabend e bi bicîanîna berpisyariyên xwe derbarê biryara Encûmena Ewlekariyê 2254 û daxwiyaniya Cinêvê, daku kadroyên şoreşa Sûriyê û hêzên wê ji bo hemî erk û mafên têkildarî pêkanîna çareseriya siyasî amade bin, û desteya hukimdariya veguhêz bi tevaya desthilatên xwe bêyî Esed damezrînin, û li gor pilana her çar sepetan, Hevbendiya Niştimanî biryar da ku komisyoneke niştimanî bo hilbijatinan ava bike, daku amadekariyên qonaxa veguhêz û piştî wê bike.
Me berê jî tekezî li ser pêwîstiya wergirtina pêngavên bêhtir bo rabûna bi tevaya rêyên çareya siyasî kiriye, tevî pirojeya dariştina destûrekî nû û rêxweşkirina lidarxistina hilbijartinên azad û pak di bin serpereştiya Netewên Yekbûyî di jîngeheke aram û bêalî de, li gorî ku di biryara Encûmena Ewlekariyê ya Navdewletî hejmar 2254 de hatiye, û hiştina ku penaber û derbider û tevaya xelkê Sûriyê li welatên biyaniyê beşdar bibin.
Komisyona Niştimanî ya Hilbijatinan dezgehek teknîkî ye ji bo amadekirina beşdariya di hilbijartinan de di qonaxa veguhêz û piştî wê re, û dê li tevaya deverên dikare ku bighêjê li hundir Sûriyê di riya mîkanîzmên avakirina kadroyan û rahênankirina tîmên pispor daku li ser tevaya pirsgirêkên girêdayî pirosesa hilbijartinan bixebite, û komisyon dê semînar û komcivînan lidar bixîne daku cûrbecûr aliyên hilbijartinan di nav gelê Sûrî de diyar bike, bi mercê ku hilbijartinin pak bin, û cihê serê rijêmê û mezintirîn sembolên wê têde tune be dabîn bike.
Komisyon dê li gel dezgehên Sûrî yên şoreşgerî û rikber li seranserî cîhanê bixebite, daku alîkar be di pevguhartina piştgiriyê ta bighêje misogerkirina hilbijartina nûnerên gelê Sûrî yên rasteqîn, û dê li ser xurtkirina pirensîpa pişikdarî û hevkariyê li gel hêzên civakî û sivêîl û siyasî li hundir û derveyî welêt bixebite.
Tevî girîngiya avakirina vê komisyonê weke pêngavekê li ser rêya çareya siyasî, lê dê ne temam be ger helwesteke navdewletî cidî neyê sitandin, û pirojeya tewanên berdewam li Sûriyê bidawî neke, û livek li ser binyada biryarên Encûmena Ewlekariyê dest pê nebe, yaku pêkanîna veguhêza siyasî misoger dike, û berve sîstema hukmê şareza biçe û azadî û rûmetê ji bo welatiyan dabîn bike, û li ser sizakirina tewanbaran û guhdan û pêçana birînên kesên ziyan dîne û qurbaniyan kar bike.
Hevbendiya Niştimanî ya Hêzên Şoreş û Rikberiya Sûrî
Ofîsa Ragihandin û Peywendiyan
20 çirya paşî 2020
