Daxwiyaniyeke Rojnamevanî
Daxwazkirina 5 dewletên endam di Encûmena Ewlekariyê de: Brîtanya, Almanya, Belçîka, Estonya, Fransa, û her weha Irelanda û Norwêc jî, derbarê danîna rêşûnên destnîşankirina berpisyarên di ber tewanên bikaranîna çekên kîmawî li Sûriyê, gavek cihê pêşwaziyê ye ji aliyê Hevbendiya Niştimanî ya Sûrî ve, ji ber ku ji roja rijêma Esed tewana sedsaliyê bi gaza sarîn di tebaxa 2013an de pêkaniye daxwaza vê yekê dike.
Ev daxwaz di heman dema bîranîna çaremîn a salvegera êrîşa rijêma Esed bi çekên kîmawî dijî gundewarê rojhilatê Hemayê di 12 kanûna pêşîn 2016 de tê, roja ku têde kuştina 70 sivîlî, 35 zarok û 14 jin di nav de hene, û birîndarbûna 100 kesî hatiye belgekirin.
Divê şopandina doseyê encamên ku Komîteya Lêpirsînan ya girêdayî Rêxistina Qedexekirina Çekên Kîmawê li ber çavan bigire, yaku rapora xwe di heyva nîsana bûrî de derxistiye, û têde bal kişandî ser ku hêzên rijêma Esed çekên kîmawî bi mebest dijî sivîlan gelek caran bikar anîne, û raporê dît ku rayedariya leşkeriya bilin di rijêmê de berpisyariya dana fermana bikaranîna çekên kîmawî hildigre, û sê êrîş destnîşan kirin, 2 jê bi gaza sarînê bûn, û bajarokê Elletaminê bakurê parêzgeha Hemayê di heyva adara 2017an armanc kirin.
Danîna xiştekareke demê ji bo bicîkirina van karûbarên yasayî ji aliyê kesên çalak tiştekî girîng e, ji ber ku ew van rêşûnan kontrol dike û bicihînana wan hêsan dike, û nahêle ku tewanbar pêde herin û hîn bêhtir tewan û binpêkirinan pêk bînin.
Erkê yasayî yê navdewletî li ser dewletan ferz dike ku doseyê veguhêzin Dadgeha Tewanên Navdewletî û tewanbarên di ber tevaya tewanên bikaranîna çekên kîmawî de li sûriyê her weha di ber hemû tewanên cengê û binpêkirin û tewanên dijî mirovahiyê yên li Sûriyê ji sala 2011an de çêbûne siza bikin.
Hevbendiya Niştimanî ya Sûrî hemû karînên xwe dixe xizmeta misogerkirina şopandina vê doseyê de, û emê di pêwendiya li gel tevaya aliyên navdewletî de berdewam bin, û wan deynin pêşiya berpisyariyên wan.
Hevbendiya Niştimanî ya Hêzên Şoreş û Rikberiya Sûrî
Ofisa Ragihandin û Peywendiyan
12 Kanûna pêşîn 2020
