Daxuyaniyeke Rojnamevanî
Hevdem ligel berdewamiya rêjîma Esed li ser kuştina xelkên Sûriyê û berdawamiya wê li ser avêtina bermîlên teqîner ku duhî bi dehan kes li gundewarê Idlibê bûne qurbaniyên bermîlan, mixabin; îro bobelatek din bi serê gelê Sûriyê hat, bi kuştina bi dehan ji Ciwanên Dirziyan li gundê “Qelib Loze” li Çiyayê Elsimaq li gundewarê Idlibê li ser destê çekdarên Eniya Elnusra bi sedema pevçûneka çekdarî di navbera çekdarên Elnusra û xelkên gund de ji ber êrîşeka çekdarên Elnusra.
Di dema ku Em helwesta xwe li ser pêgiriya xwe bi yekîtiya gel û li ser parastina hemû pêkhateyên wê li ser tevaya qada welat dupat dikin, hevdem em bi hemû wateyan her şêweyekî ji şêweyên şerê navxweyî yê tê bikaranîn ji bo berjewendiyên hejmarek ji hêz û aliyan şermezar dikin, hevdem ku ew dikeve di berjewendî û xizmeta rêjîma tayîfeperest û di xizmeta neyarên Soreş û Civaka Sûrî de, û giraviyê têxe li ser raya giştî bi belavkirina nûçeyên beruvajî derbarê bûyeran, wek wê rûdana xemgîn ya duhî, ku hin kes derketin û bi bêbextî li ser pêkanîna sêdaredan û karên destdirêjiyên Sêksî axivîn.
Hêjaye gotinê ku hêzên kartêker li ser qada wê navçeyê bilez bi vemirandina wî agirî rabûn û pêwendî bi kesên pêwendîdar re li hindur û derve kirin, ku di encamê de rê li pêş hewlên çêkirina nakokiyan di navbera cîran û hemwelatiyên heman welat de hat girtin, û di derbarê vê yekê de pêwîst e em rola hin ji van hêzan bilind binirxînin wek nemûne; tabûrên azadîxwazên Şamê û Feyleqa ElŞam û hin tabûr û hêzên din û Encûmena xwecihî bi hemahengî ligel Hevbendiya Niştimanî, ji bona rawestandina xwînrêjandonê û parastina giyanê biratî û pêkvejiyan û mirovatiyê ku li pêş nirxên din tên, ji bona rûbirûbûna cewsandin û zordariyê.
Li ser vê çendê, pêwendiyek ji Welîd Canbulat rêberê Partiya Pêşverû a Sosiyalist ya Libnanê û hi pêwendî hatin ji maqûl û rihsipêyên tayîfa Dirziyan, ku pêdagirî li ser parastina giyanê niştimanî û li ser nasnameya Erebî ya Sûrî bo Dirziyan kirin, û ji aliyê xwe ve Hevbendiyê tekezî li ser yekîtiya xaka Sûriyê û dîmoxrafiya wê ya guncayî ligel piransîpên azadî û hemwelatîbûnê kir, herwiha tekezî li ser berdewamiya bizavên xwe kir bo çareserkirina encamên vê kêşeyê, û tekezî li ser parastina hemû netew û pêkhateyên gelê Sûriyê kir, û li ser rijdbûna xwe ku ew bimînin li ser qada xwe û misogerkirina ewlehiya wan di navçeyên wan de û kar li ser dîtina mîkanizman bo xweparastinê ji her şêweyekî ji şêweyên fitneyan ji çi aliyekî be.
Salim Elmislit
Berdevkê fermî yê Hevbendiya Niştimanî ya hêzên Şoreş û Rikberiya Sûriyê
11 Cehzîran 2015
