Daxwiyaniyeke Rojnamevanî
Hevbendiya Niştimanî ya Sûrî kiryarên xirab û êrîşên dijî penaberên Sûrî li Tirkiyê, ên di encama belavkirina gotegotên sexte yên ku xelkê Tirkiyê li dijî penaberan sor dikin şermezar dike, ku ew binpêkirin bi riya şewitandina mal û milkên xelkê û şikandina otombîlan bû (roja yekşemê 30’ê hezîrana 2024’an êvarî), û daxwaza bînfirehiyê û bawernekirina wan gotinên nefretê yên nijadperestan ên ku tevlîhevî û ziyanê peyda dikin dike. Û tekez dike ku wê peywendî bi aliyên têkildar ên Tirkiyê re derbarê tiştê bûye kirine. Û amaje bi daxuyaniyên Serokomar Erdogan kir ku tê de eşkere alozî û binpêkirina qanûnê û tevlîhevîyên li Qeyserî rû dane şermezar kirin û got ku wî temînî li aliyên desthilatdar kiriye ku rewşê çareser bikin û ewlehî û selameta hemwelatî û penaberên li wir niştecî ne dabîn bikin û rê li ber her zêdegaviyên dijî yasayê di zûtirîn dem de bigirin.
Em bang li gelê xwe yê li Tirkiyeyê dijîn dikin ku dema bûyerin takekesî an jî komî peyda bûn bi rêya qanûnê û rayedarên Tirkiyê yên erkdarên parastina ewlehiyê çareser bikin ku wan aliyan doh êvarê dest bi tedbîrên kontrolkirina ewlehiyê û parastina gel kirine û hîn di wî erkê xwe de berdewam in ji bo ew bûyer dubare nebin.
Hevbendî daxwazê ji gelê me yê Sûrî yê li Tirkiyê û navçeyên rizgarkirî li Sûriyê û gelê Tirkiyê yê bira dike ku pêwîst e giringiyê bidin kûrahiya pêwendiyên biratî yên dîrokî yên di navbera gelê Sûriyê û yê Tirkiyê de. Û guh nedin wan kesên ku dixwazin di navbera her du gelên bira de nakokî û nefretê çêkin.
Hevbendî bangê dide gelê me yê li herêmên rizgarkirî yên Sûriyê ku rê nedin belavbûna alozîyan, û bi hev re li dijî gotarên sorkirin û nefretê derkevin, yên ku dixwazin aloziyê belav bikin û dijatiyê di nav gelê Sûriyê yê ku xwîna xwe daye ji bo rûbirûbûna rêjîma tawankar, û gelê Tirkiyê yê ku pevre li dijî rêxistinên terorîst yên ku dixwazin aramiya her du welatan têk bibin şer kirine.
Berjewendiyên gelê Sûriyê û yê Tirkiyê yên hevbeş ên berfireh hene ku herdû jî dixwazin rê li ber projeyên cudaxwazî û terorîstî bigirin û yekitî û ewlehiya xaka Sûriyê, ewlehî û aramiya navçeyên rizgarkirî li Sûriyê, ewlehî û aramiya Tirkiyê biparêzin û bigihêjin çareseriya siyasî ya ku Sûriye dixwaze li gorî biryarên Konseya Ewlekariyê.
Hevbendiya Niştimanî tekezîyê li ser pêwîstîya parastina penaberan û dabînkirina ewlehîya wan li welatên mêvandar ji aliyê desthilatên têkildar di hikûmetên wan de dike, her weha em tînin bîra civaka navdewletî ku penaberên Sûrî dixwazin bi dilxwazî û awayek ewle û bi rûmet vegerin welatê xwe. Lê ev yek tenê bi gihiştina çareseriyeke siyasî li Sûriyê li gorî biryarên Encûmena Ewlekariyê yên pêwendîdar, bi taybetî biryara 2254 (2015), û cîbicîkirina tam ji wan re pêk tê û dibe faktera peydakirina jîngeheke ewle û birûmet a dihêle penaber û derbider bi dilxwazî vegerin malên xwe yên resen li welatê xwe, û em tekezîyê li ser berpirsiyariya civaka navdewletî bi giştî û welatên ku mêvandariya penaberan dikin bi taybetî dikin ji bo piştgiriyê bidin Neteweyên Yekbûyî ji bo aktîvkirina proseya siyasî û giheştina çareseriyekê ku bibe faktera cîbicîkirina van biryaran bi peydakirina mekanîzmayên mukum ji bo bicîanîna wan bi awayekî dadane û tam li gor daxwazên gelê Sûriyê yên avakirina dewleteke azad û demokratîk.
Hevbendiya Niştimanî bi berdewamî çavdêriya dosya penaberên Sûriyê li Tirkiyê dike, nemaze pêşhatên dawî, bi rêya peywendiyê bi desthilatên Tirkiyê yên têkildar re, nemaze piştî zêdebûna dersînorkirina penaberên Sûriyê li bajarê Gazîentabê û girtina hejmarek ji dikanên bazirganên Sûrî di rojên borî de û desthilatdaran piştrast kirin ku ew her tiştî dikin ji bo selameta hevwelatiyan û penaberan û sizakirina kesên ku qanûnên parastina demkî binpê dikin niştecihbûnê binpê dikin, û tenê ew rêşûn ji bo çareserkirina pirsgirêkên qanûnî bin û bi hev re bixebitin. Û Hevbendî kar dike ji bo çareserkirina dosyaya dersînorkirinê û vegerandina mafên kesên binpêkirin li dijî wan hatine pêkanîn.
Em bang li gelê xwe yê Sûriyê yê li Tirkiyê û herêmên rizgarkirî dikin ku bîna xwe fireh bikin û derfetê nedin ku ewlehî û aramî têk biçe. Ji berk u sûdemendê mezin ji vê rewşê rijêm û rêxistinên terrorist in ûn ku dixwazin têkiliya biratiyê di navbera gelên Sûriya û Tirkiyê de têk bibin û rê li pêşiya gelên Sûriyeyê bigirin da negihêjin daxwazên xwe ji bo azadî, dadmendî, rûmet û demokrasiya ku ji bo wan serî hildane û qurbanî dane.
Hevbendiya Niştimanî ya Hêzên Şoreşê û Rikberiya Sûrî
Ofîsa Ragihandin û peywendiyan
01 tîrmeh 2024
