Hevbendiya Niştimanî ya Sûrî tekeziyê li ser redkirina xwe dike ji kongirê ku Wezareta Bergiriyê ya Rûsî derbarê doseya penaberên Sûrî ragihandiye, ji ber di dema ku Rûsiya daxwaza lidarxistina wek vî kongirî dike; hîn di pêkanîna tewanên cengê de di riya êrîşên li ser sivîlan li bakurê Sûriyê berdewam e, û bombebarana asîmanî vê sibehê bû sedema derbiderbûna xelkê gundê Kefer Noran yê gundewarê Helebê.
Çênabe ku wek vî kongirî ji aliyê berpisyarê di ber tewanan de lidar bikeve, û çênabe ew kongir çêbibe bêyî pêkanîna giringtirîn mercên vegera Sûriyan bo welatê xwe, û di serî de divê sedema koçberbûnê û bombebaran nemîne, û veguhestina siyasî bicî were, û jîngeheke aram bo vegera ji ber xwe ve ya rûmetdar bo penaberan dabîn bibe.
Kongirê Rûsî tenê hewildan e ji bo siponseriya tewanwke nû dermafê gelê Sûrî, û armanc jê ew e ku careke din rewayê bide tewanbar Beşar Esed di bin perdeya mirovahî de, bi navê vegera penaberan.
Dagîrkerê Rûsî û yên bi navê wê diaxivin û nokerên wê, yên herî dawiyê ne ku karin li ser doza Sûrîyê biaxivin, nemaze di doseya koçberkirinê de, ji ber ku dosta tewanên cengê û koçberkirin û gurkirin û binpêkirina rêkeftinan, kurtiya tiştên ku Rûsiya yaku piropogendayê wek aliyekî garantor ji xwe re çêdike pê radibe diyar dike.
Rêxistinkirina kongirê Rûsî pilansaziyeke eşkere ye dijî biryarên Encûmena Ewlekariyê û di pêşî de daxwiyaniya Cinêvê û biryara 2254, û Rûsya hewil dide ku mafên resen û pêşîn bavêje, yên ku divê li gorî demeke nîşankirî werin cîbicîkirin, wê çaxê dê doseya vegera koçberan cihê xwe bibîne, û vegera wan aram û ji dev xwe ve û bi rûmet be, li gorî rênmayên Komisyona Bala ya Karûbarê Penaberan.
Mifajêgirtina Rûsiya ji doseya vegera koçber û penaberan di bazarên siyasî de ne tiştekî nû ye, ji ber ku ew car li dû carê di xiştekara pilanên Kirêmlên de tê, û armanca dawîn jê piştgiriya mana rijêmê ye, û wê li ser gelê Sûrî û civaka navdewletî bisepîne, û biryarên Encûmena Ewlekariyê yên girêdayî Sûriyê yek li dû yekê hilweşîne.
Ji Civaka navdewletî tê xwestin ku pêngavin piratîk bo sepandina çareya siyasî li Sûriyê bavêje, ji bo rûbirûbûna pilanên Rûsiya ya dixwaze niha doseya vegerandina koçberan ta bighêje vekirina doseya nûavakirinê dike, yên girêdayî hin mercên ta niha ne amade ne, û ya herî sereke destpêkirina pirosesa siyasî ye, daku tevaya biryara 2254 cîbicî bibe.
Hevbendiya Niştimanî ya Hêzên Şoreş û Rikberiya Sûrî
Ofîsa Ragihandin û Peywendiyan
10 çirya paşî 2020
