Daxwiyaniyeke Rojnamevanî
Di Roja Cîhanî ya Qurbaniyên Binçavkirina Kotekî de, Hevbendiya Niştimanî ya Sûrî balê dikşêne ser ku rijêma Esed hîn bisedên hezaran ji Sûriyan digire û binçav dike, û bi darê zorê wan winda dike, û 135.638 ji wan bi navan hatine belgekirin, û 3.693 zarok û 8.478 jin di nav wan de hene (li gorî Tora Sûrî ya Mafên Mirovan), ji ber rêbaza wê ya tawakarî ya ku di rûbirûbûna xwepêşanderên aştiyane de ji sala 2011an de heta niha bikar tîne.
Sernekeftina civaka navdewletî di rizgarkirina vê hejmara mezin ji xelkên ku rijêma Esed ew di zindanên xwe de veşartine, nîşana erzandîtina giyanên sûriyan e, nemaze ku ew rastî tundtirîn cureyên îşkencekirinê di zindanên rijêma Esed de tên, ew zindanên ku bi navê “qesabxaneyên mirovan” hatine naskirin, ji ber binpêkirinên di hundurê wan de çêdibin û hejmara mezin a kesên di wan de tên kuştin.
Hevbendiya Niştimanî daxwaza liveke cidî ji civaka navdewletî û dewletên xwedî bandor di dosya Sûriyê de dike, ji bo eşkerekirina çarenivîsa binçavkiriyên kotekî, û azadkirina wan, û rizgarkirina wan ji mirina rojane ya ku rastiyê tên, û sizakirina rijêma Esed li ser binpêkirinên wê yên mezin ji mafên mirovan re, her wiha tawanên cengê yên ku di salên bûrî wê û hevalbendên wê pêk anîne, û Hevbendiya Niştimanî daxwaza piştgirîkirina veguhestina siyasî li Sûriyê li gor biryara navdewletî 2254 dike, weke çareseriyeke ji kokê de ji mijara terora ku rijêm û milîtanên wê bikar tînin, her weha ji kirîzên mirovî yên bi sedema wê û hevalbendên wê rûdane.
Hevbendiya Niştimanî ya Hêzên Şoreş û Rikberiya Sûrî
Ofîsa Ragihandin û Peywendiyan
30 tebax 2023
