Daxwiyaniyeke rojnamevanî
Hevbendiya Niştimanî ya Sûrî, piştgiriya xwe bo xwepêşandanên gelêrî yên berdewam li parêzgeha Siwêda yên dijî milîsên girêdayî dezgehên ewlekariyê yên rêjîma Esed tîne ziman, û ji amûrên ragihandinê yên xwecihî û navdewletî dixwaze ku vê serhildana ku daxwaza gel di azadî û rizgarbûna ji rejîma tawankar nîşan dide, romal bikin û bişopînin.
Rêjîma Esed, tawankar û kujeran bo serpereştiya milîsên terorîst yên ku jiyana sivîlan asteng dikin û şerê gel bi kuştin û girtinê dikin bikar tîne, û ev mijar ji aliyê gelê me yê Sûriyê li Siwêdaya serbilind nayê pejrandin, lewra serhildan dijî tawankarê bi navê Racî Felhût û çeteyên wî yên girêdayî rêjîma Esed li dar xist.
Wêneyên nîşan didin ku makîneyên çêkirina keresteyên hişbir li baregeha tawankar Felhût hatine dîtin, nîşanên zelal pirtir dikin ku ev rêjîm sponser û berpirsiyar e di ber bikaranîna deverên di bin kontrola xwe de wek cihê keresteyên hişbir, ên ku wan çêdike û li dewletên derdor û herêmê belav dike, ji bo ku piştgiriya milîsên xwe bike, nemaze di şerê xwe yê dijî gelê Sûriyê de.
Gelê Sûriyê dê wek hîmekî li hember vê rêjîmê bimîne çendî ku ew kuştin û koçberkirin û girtinê bikar bîne jî, û tiştê li Deraa, Siwêda, Idlib û bakurê Helebê dibe eşkere dike ku gelê Sûriyê dê di şoreşê de berdewam be ta armancên xwe pêk bîne, û gotinên rêjîmê û hevalbendên wê yên behsa serkeftina xwe ya di xeyalan de dikin red dike, û gelê Sûriyê dê xweragir û têkoşer bimîne, ta azadî û rûmeta xwe bi dest bixe, piştî hilweşandina vê rijêma tawankar.
Hevbendiya Niştimanî ya Hêzên Şoreş û Rikberiya Sûrî
Ofîsa Ragihandin û Peywendiyan
28 tîrmeh 2022
