Daxwiyaniyeke Rojnamevanî
21 kes, zarok jî di nav wan de hene, şehîd ket, û bêhtir ji 40 kesî birîndar bûne, û bi ser de rûxandineke mezin çêbûye, ji encama teqîna terorîstî yaku rawestgeheke veguhestina navxweyî li bajarê Elbab ê gundewarê Helebê armanc kiriye, di riya bikaranîna kemyoneke mezin a tijî teqemenî.
Belavbûna milîsên PYD yên terrorist û şûnmayên rijêma Esed û milîs û nandozên grêdayî rijêma Îranî li deverên nêzîkî bajarê Elbab ê bakurê Sûriyê tê wateya ku ev dever dê derdeseriya teqîn û kuştinan bikşîne.
Berdewamiya van karan tekez dike ku hewcedariya cidî heye, ku rêşûnên çareseriyê hebin, da terroristan û siponserên wan bidûrxînin, û rûberê deverên rizgarkirî fireh bike, û ji terror û rijêmê paqij bike.
Destên gunehkar ên rêvebir û yên pilan danîne û cîbibcîkarên vê tewanê , divê siza bibin, ji îro û pêve em razî nabin ku pakrewanên xwe binax bikin û paşmayên avahiyên rûxandî rakin, û keserê daqirtînin, û bendewarê tewaneke nû bin, û gelê Sûrî serî ji vê tewana pîs re natewîne, yaku dixwaze bijardeya xwîn û êgir li ser ketwar û pêşeroja sûriyê bisepîne.
Divê lêpirsînên derbarê van operasyonên terroristî bighên asteke nû, emê pêwendiyê li gel Hikûmeta Sûrî ya Demkî û rayedarên Artêşa Niştimanî ya Sûrî bikin, ji bo em mîkanîzmên ewlehî û rêşûnên bikar tên careke din di bin çavan re derbas bikin, û pîvanên pêwîst misoger bikin, û pêdviyên rasteqîn binasin daku dabîn bikin.
Berpisyariya navdewletî eşkere û naskirî ye, û divê dest bi helwestên navdewletî yên vebir dijî terrorê û siponserên wê bibe, li gel pêwîstiya piştgiriya Artêşa Niştimanî ya Sûrî û saziyên Hikûmeta Sûrî ya Demkî, ji bo dorpêçkirina van rêxistinan û kesên li paş wan, û birîna jêderên wan yên darayî û piştgirên wan, û misogerkirina jihevxistina wan û bidawîkirina gefên wan.
Hevbendiya Niştimanî ya Hêzên Şoreş û Rikberiya Sûrî
Ofîsa Ragihandin û Peywendiyan
6 çirya pêşî 2020
