Daxuyaniyeke Rojnamevanî
Îro, duyemîn salvegera komkujiya bajarê Xanşîxon derbas dibe ku ji aliyê balafirên rejîmê bi bikaranîna gaza sarîn ya kîmyayî hatibû pêkanîn, û têde nêzîkî 100 kesî şehîd ket û bi dehan birîndar bûn.
Komkujî weke beşek ji zincîreke tawan û binpêkirinên maf û yasa mirovî ya navnetewî û peyman û biryarên Konseya Ewlekariyê ya navnetewî hat pêkanîn, û serederî digel wê ji çarçoveyê protestokirin û daxuyaniyan derneket.
Rastiya li ser erdê berdewamiya rejîmê li ser siyaseta kuştinê û koçberkirina bi darê zorê û êrîşan dupat dike, ku ji encama topbarana li ser gundewarên Heleb û Hema û Idlibê û tevî bajarê Xanşîxon yê wêrankirî di çend demjimêrên borî de, bi kêmî 15 kesan jiyana xwe ji dest da û bi dehan kesên din birîndar bûn.
Ku nebûna rehenda yasayî ya taybet bi tawan û binpêkirinan li Sûriyê, rewşa bêcezayê dupat dike, û aktorên civaka navnetewî bi awayekî rastenerast têxin hevparên van tawanan, ji ber berpirsiyariya wan ya parastina aştî û ewlehiya navnetewî.
Hevbendiya Niştimanî ya hêzên şoreş û rikberiya Sûriyê, dubare daxwaza raguhestina faylê tawanên li Sûriyê hatine pêkanîn bo dadgeha tawanên navnetewî dike û daxwaza dadgehkirina hemû sûcdar û hevparên wan dike.
Herwisa dubare daxwaza çalakkirina benda 21 ya biryara 2118 dike, ya ji bo sepandina sizayan li ser rejîma Esed li jêr benda heften.
Pêdiviye ev xeleka tarî ji dîroka Sûriya û herêmê bi rêya helwesteke navnetewî ya rijd ji bo parastina sîvîlan, û pêkanîna yasa navnetewî û bicîkirina biryarên navnetewî û sizadana sûcdaran bi dawî bibe.
Hevbendiya Niştimanî ya hêzên şoreş û rikberiya Sûriyê
Ofîsa Ragihandinê
04.04.2019