Daxwiyaniyeke Rojnamevanî
Hevbendiya Niştimanî Ya Sûrî Civîna Desteya Giştî li bakurê Sûriyê yê azad di dema navbera 11-13 çirya paşî 2020an de ya heman roja bîranîna heştemîn ya damezrandina Hevbendiyê ye, ya di 11 çirya paşîn ji sala 2012yan de bû, lidar xist.
Civatên Desteya Giştî ya niha pêngaveke guhertina girîng û destpêkirineke serrast e bo hebûna Hevbendiya Niştimanî li deverên rizgarkirî, yên ku derdora 5 melyon û 200 hezar kes lê dijî, a ku bi rastî Sûriyeke biçûk dide xwiyakirin, ji ber ku hemû kesên ji parêzgehên Sûrî koçber û derbider bûne an cengên qirkirinê û derdeseriyên koçberiyê li ser wan ferz bûne li vê derê li gel hev bijîn, wek perçeyek biha ji welatê me û beşek ji Sûriya me ya yekperçe.
Û ev gerê bi bilindkirina alaya şoreşa Sûriyê ji aliyê Serokê Hevbendiya Niştimanî bi beşdariya yek ji kesên birîndar û zarokekê wek nûnera hêviya Sûrîyê û paşeroja wê û bi amadebûna Serkirdeyên Tabûrên Artêşa Niştimanî ya Sûrî û Serokên Encûmenên Xwecihî li deverê û hejmarek saziyên çalak ên gelêrî hate destpêkirin.
Û civatê bi xuleyeke bêdeng û xwendina fatîheyê li ser giyanê pakrewanên şoreşa Sûriyê dest pê kir, û Serokê Hevbendiyê D. Nesir Elherîrî civat bi şiroveyekê li ser pêşketinên meydanî û siyasî dest pê kir.
Em bawer in ku cihê me yê xwezeyî li ser xaka me ye, di nav xelkê me yê ku derdeseriyan dikşînin û koçberiyê û xizaniyê û jiyana kampan temûl dikin de ye, em rewatiya xwe ji wan werdigrin, û bi wan em pêgiriyê bi mafê xwe dikin, lewra biryara rast ew e ku baregeha Hevbendiya Niştimanî li vir li ser vê axa pêroz be, û ew e ê ku em pê rabûne û em ê têde berdewam bin, ji ber ku ewê bihêle em hukmekî şareza ava bikin, û çareseriya rewşa gelê xwe di hemû waran de bikin, û bingeha Artêşa Niştimanî û saziyên din biçespînin, û piştgiriyê bidin Hikûmeta Demkî daku bi rola xwe rabe, û guh bidin beşên gelê me di hemû deverên ku lê hene de, ger li deverên rizgarkirî bin, an li deverên di bin kontirola rijêmê de, an desthilatên defakto ,an li deverên koçberiyê û penaberiyê bin.
Endamên Desteya Giştî ya Hevbendiya Niştimanî gelek civînên kar û civatên giştî li gel hejmarek ji nûnerên hêzên bajarokî û gundewarî li deverên rizgarkirî û li gel çalakiyên gelêrî ji cûrbecûr deverên Sûriyê di riya diyalogeke vekirî re lidar xist, û têde rewşa xelkê û pêşniyarên di cûrbecûr waran de berçav kirin, û li ser rewşa xizmetguzarî û hewcedariyên jiyanê yên cûrbecûr û awayên rêxistina rêvebirî û siyasî li deverên rizgarkirî û xurtkirina têkiliyê bi Hevbendiya Niştimanî re wek nûnerê rewa yê gelê Sûrî.
Û li ser asta pêşketinên pirosesa siyasî de Hevbendiya Niştimanî ji destpêka danûstandinan de di wê baweriyê de ye ku rijêma tewanbar û helwestên piştgirên wê gavekê jî berve çareya siyasî yaku dibîne wek destpêka dawîbûna wê ye navêje, û dê bimînê pêgirê bijardeya ewlehî û leşkerî, û vê rewşê pir caran pirsa sûda danûstandinê û berdewamiya wê ji me kir, gelo sûde di rawestandinê de heye, an em berdewam bikin tevî baweriyên xwe? Bi riya bijardeyên alternatîf ên ku em di riya hejmarek ji alavên ku gelê me bingeh û stûna wê ye dest pê dikin.
Li ser riya çareriya siyasî ya li gorî daxwiyaniya Cinêvê û biryara 2254, me her tiştê ku di warê amadebûna erênî û pabendiya bi giyanê daxwiyaniya Cinêvê ya ku tê wateya gihîştina veguhestina siyasî di riya damezrandina desteya rêveber a veguhêz re tev hemû desthilatên wê yên cîbicîkar û li gorî di biryara 2254de hatî me pêşkêş kir, û me bersiva her tiştê ku ji me dihat xwestin da, wek belge û kaxezên ku nûnertiya giyanê şoreşê û armancên wê dikin, û biryara me ji bo avakirina sîstemeke demokratîk a alternatîf ku cihê Beşar Esed û sembolên rejîma wî yên kujer tê de tune be, û me gelek caran xwest ku serbestberdana bi sedhezarên girtiyan wekî gavên pêşîn di riya dabînkirina jîngehek ewle de, ji bo pêkanîna hilbijartinên pak di bin siya Netewên Yekbûyî de.
Û di çarçova xebata Civîna Desteya Giştî de, Cîgirên Serok û Emîndarê Giştî kurtasî derbarê xebata Ofîs û Komîte û Rêvebiriyan di dema borî de pêşkeş kir, û beşdaran guh dan raporên hûrgulî yên Wezîrên Hikûmeta Demkî li ser asta rêyên xebatê û ya ku hatiye bidawîkirin, û yên di warê zehmetiyên ku rastî wan tên, û Endamên Hevbendiyê ew rapor bi berfirehî gotûbêj kirin û hejmarek ji pirs û pêşniyaran pêşkêş kirin.
Û civatê di roja duyemîn de xebatên xwe bi guhdarkirina li şiroveyeke berfereh ji aliyê birêz Enas Elebdeh, Serokê Desteya Danûstandinên Sûrî û pêşketinên ku rûbirûyî Komîteya Destûrî bûne berdewam kirin, ew jî bi beşdariya birêz Hadî Elbehra Serokê Hevbeş yê Komîteya Destûrî bû, û herdûyan tekezî li ser miqatebûna Hevbendiya Niştimanî ku di karên xwe de berdewam be bo kartêkerkirina rewşa Desteya Danûstandinê û şopandina rewşa Komîteya Destûrî kir.
Û Desteya Giştî guhdarî xebata rêvebirî û komîteyan û karên ku Hevbendiya Niştimanî di cûrbecûr astan de di dema borî de pê rabûye û pirogramên firehkirina têkliyên xwe li gel beş û çalakîyên gelê me di riya Komîteya Diyaloga Niştimanî re û hevdîtinên lidarxistine û yên Ofîsa Partiyan kir, her weha tiştê ku Komîteya Cezîre û Ferat pê radibe daku xelkê deverê rêvebiriya deverên xwe bi xwe bikin, di riya desteyên ku ew hildibjêrin, û danîna pirograma kar û tevgera li gel Hikûmeta Tirkî û Emerîka û yên dîtir re, û tiştê ku Komîteya Başûr ya Cêwî pê radibe bo rûbirûbûna astengiyên li deverê rûdidin, nemaze tevgera gelêrî ya berxwedêr tê de.
Di çarçoveya helmeta ku Hevbendiya Niştimanî pê radibe di warê redkirin û rûbirûbûna kongirê penaberan, ya ku bi gelek waran mijûl dibe, Endamên Hevbendiya Niştimanî hevdîtin li gel nûner û diplomatên di doseya Sûriyê de dixebitin lidar xistin, û behsa pêşketinên meydanî û helwestên wan yên hemaheng li gel helwestê Hevbendiya Niştimanî di warê redkirina kongirê ku Wezareta Berevaniyê ya Rûsî li Şamê derbarê penaberan lidarxist, û me zêdebûna piştgiriyên têne pêşkêşkirin bo rûbirûbûna bêtara korona li bakurê Sûriyê xwest, û me tekezî li ser girîngiya fişarên li ser rijêmê û hevalbendên wê wek piştgirî bo çareya siyasî û cîbicîkirina biryara 2254 kir.
Civatên Desteya Giştî bi silavkirina gelê me yî Sûrî yê li cûrbecûr deverên ku ew lê ber xwe dide, û bi biryara ku mafên xwe bistîne, û sîstemeke alternatîf ava bike, sîstemeke demoqrat û piralî daku wekhevî û dad û rûmetê di navbera hemû sûriyan de pêk bîne, karên xwe bidawî kir.
Silav li giyanê pakrewanên şoreşa Sûrî
Azadî bo girtiyan
Serkeftin bo şoreşê
Hevbendiya Niştimanî ya Hêzên Şoreş û Rikberiya Sûrî
Ofîsa Ragihandin û Peywendiyan
13 çirya paşî 2020
