Daxwiyaniyeke Rojnamevanî
Tiştê ku li vê dawiyê ji aliyê Tevgera Jina Sûrî ve li pêşiya Encûmena Ewlekariyê derketiye, nûnertiya wê tevgerê nake, û nikarîbû nerîna jina sûrî a li hundirê Sûriyê bi awayekî teybet û ya li derve bi rengekî giştî veguhêze.
Gelê sûrî rastiyan baş dizane, û gotarên ku rastiyan piştguh dikin û dixwazin wekheviyê di navbera qurbanî û xwediyên qamçiyan çêke, û gotara ku sedemên sereke yên tunebûna aramî û ewlehiyê li deverên rizgarkirî bibîr nayne red dike, ew jî tekez dike ku rijêm û dagîrkerê Rûsî berpisyariya yekemîn ya bombebarana dubarekirî hildigrin, di riya bombebarana dubare û êrîşên berdewam li ser sivîlan û şandina erebeyên mayînkirî bi ser bazar û taxên sivîlan de.
Rijêm sedema yekemîn e ji koçberkirina kotekî re, di dema ku Artêşa Niştimanî û tabûrên şoreşê yên di Artêşa Niştimanî de bo berjewendiya sûriyan û bergiriya di ber wan de kar dikin, û bi dehên hezaran şehîd di riya parastina sivîlan û rawestana di rûyê artêşa rijêmê û milîsên mezhebî û rêxistinên teroristî û di serî de Daiş û Qaîde û PKKe û şaxên wê yên sûrî pêşkêş kirine.
Hêvî hebûn ji aliyê tevgerê ku di gotara xwe ya li pêşiya Encûmena Ewlekariyê de bi aliyê li hemberî rijêmê re be, û rastiyan li pêşiya civaka navdewletî raxîne, û jê dihat xwestin ku bi rengekî eşkere û diyar bibêje ku rijêma stemkar û hevpeymanên wê yên Rûs û Îranî di tawanên hovane û binpêkirinên berdewam ji deh salan de berpisyariyê hildgrin, li şûna ku yeksaniyê bike di nav rijêmê û hêzên şoreş û rikberiyê yên ku kar li ser pêşkêşkirina tevaya xizmetkariyan bo niştecîyên xwecihî û koçberên bi kotekî ji deverên xwe bi dûr ketine dike.
Di peyva tevgera jinê de, behsa bombebarana rojane li ser Idlibê ji aliyê Rûsiya û Îran û rijêmê ve nehat kirin, û bombebarana ku li Efrînê li vê dawiyê ji hêla milîsên PYD ya teroristî ve pêk hatiye bibîr neanî, û nikarîbû nameya derbider û sivîlên li Idlibê hilgire, her weha biryara dirêjkirina alîkariyên mirovahî ya girîng, û hêja bû ku li ser wê dika giring bihata behiskirin, tevî ku cîhan tev de pê mijûl bû.
Yê ku bi navê jinên ku qurbaniyên mezin dane biaxive, divê zelal û rastgo be, û tiştan bi navên wan ên durist bi nav bike, û ji gotina rastiyê nereve.
Em di Desteya Jina Sûrî de, tekez dikin ku pêwîst e civaka navdewletî berpisyariya xwe derbarê Sûriyê hilgire, û sînorekî ji rijêmê û gurkirin û dorpêçkirin û berdewamiya wê di girtin û îşkencekirina sivîlan de re deyne.
Rijêma tawanbar û hevalbendên wê astengiyê dixin riya pirosesa siyasî, ji tirsa sizakirin û çarenûsa her kesên tawanên cengê dermafê gelê sûrî pêk anîne, tevî tawanên kîmawî û tawanên kuştina di bin îşkencedanê de, divê helwesteke navdewletî ya cidî ji bo sepandina veguhestina siyasî li Sûriyê hebe, û sînorekî ji derdeseriyên gelê sûrî yên berdewam re deyne.
Hevbendiya Niştimanî ya Hêzên Şoreş û Rikberiya Sûrî
Ofisa Ragihandin û Peywendiyan
29 hezîran 2021
