Daxuyaniyeke Rojnamegerî
Di dema êrîşên ku li ser deverên Gundewarê Laziqiyê dibin , û gurkirina leşkerî ya Rûsî û Iranî, Hevbendiya Niştimanî Bo Hêzên Şoreşê û Hevrikiya Sûrî ji Artêşa Sûrî ya Azad û Yekîneyên Şoreşê dixwaze ku Seferberiya Giştî li Parêzgeha Laziqiyê ragihînin û alîkariyek hevbeş bikin ta hêzên dagîrker têk bibin û bişkînin.
Herweha ji Civaka Navdewletî dixwaze ku pêrabûnên gerek bo rawestana êrîşan li ser milletê Sûrî û Artêşa Azad bikin, Mosko û Tehran mecbûr bikin ku dagîrkirina xwe bidawî bikin, û hemû hêz û milişiyên xwe ji tevaya xaka Sûrî bikişînin, û tekez kir ku tu hebûna Rêxistina Daişê li wê deverê û piraniya deverên ku êrîşên Rûsî wan bumbebaran dike tune ye.
Hevbendî hêvî dike ku dewletên cîran zû veguhestina sivîlên mişext ji ber tawanên rejîmê ber bi deverin aram hêsan bike, ew jî ji ber êrîşên Rûsî yên tund li ser kampên liser hêla sînorî li gel rewşin mirovahî yên dijwar bi derbasbûna werzê Zivistanê re û zêdebûna pêwîsiyan bo kon û jêderên germkirinê, xwarin û derman.
Hevbendî hişiyariyê der barê wêranbûna rewşa meydanî ji bo berjewendiyên hêzên tirorê û milişiyên regezperist dide, eger piştgiriya leşkerî ya tê xwestin ji ketîbeyên Artêşa Sûrî ya Azad re neyê pêşkêşkirin, û astên hevrêziyê bi wan re neyên bilindkirin, nemaze ku ew e aliyê kar bo mafê milletê Sûrî û pêkanîna hêviyên wî dike.
Hevbendiya Niştimanî Bo Hêzên Şoreşê û Hevrikiya Sûrî
Nivîsgeha Ragihandinê
21Mijdarê/ November2015an
