Daxuyaniyeke Rojnamevanî
Bi navê Hevbendiya Niştimanî ya hêzên şoreş û rikberiya Sûriyê, Ez tekeziyê li ser piransîpên Hevbendiyê di çi çareseriyeke siyasî li Sûriyê nû dikim, di serê wan piransîpan de ku divê ti rolek ji tawankar Bişar Esed re û herwiha ji destekên wî yên destên wan bi xwîna Sûriyan bûye, di her qonaxa veguhêz ya rasteqîn de, herwiha di paşeroja Sûriyê de jî tune be.
Hevbendiya Niştimanî li ser vê bingehê beşdarî di kongirê Riyad de kir, û ev helwest digel helwesta şoreşgeran digunce, û herwiha digel hêvî û xwestekên tevahiya gelê Sûriyê li tevahiya welêt û ji derveyî welêt jî digunce, lewra Hevbendî ji ber vê yekê, her destpêşxeriyekî yan her bizavekî, ku mana çarenivîsa gelê Sûriyê di destê bikuj û tawanbaran de têde hebe bi yekcarî red dike, û bi hîç awayekî mana desthilata zordarî û kuştin û tepeseriyê ya tawankar ya bi dehên salan li ser milet maye qebûl nake.
Hevbendiya Niştimanî, hîç kar û destpêşxeriyeke mana rêjîmê û serokê wê têde hebe, û herwiha her dezgehek ji dezgehên wê weku aliyê çareseriyê qebûl nake, û hevdîtina me digel her aliyekî Sûriyê re, ji ber ku baweriya me bi giringiya hevdîtin û têkiliyên berdewam di navbera hemû pêkhateyên gelê Sûriyê de û parastina piransîpên şoreşa gelê me tê.
Ez carek din bi navê Hevbendiyê dagîrkariya Rûsiya û Artêşa wê ya tawankar û hevalbendiya wê digel rêjîma Esed û hêzên şerxwaz yên Îranê re şermezar dikim, herwiha hişyariyê didim hemû aliyên herêmî û yên navdewletî, ku hemû hewlên şikandina îradeya xelkê Sûriyê wê têk biçin, û ew hewl wê di bin lingê xelkê Sûriyê de yê biryara rizgarkirina xwe daye bişikin.
Enes El’ebide
Serokê Hevbendiya Niştimanî ya hêzên şoreş û rikberiya Sûriyê
27 cehzeran 2016
