Daxwiyaniyeke Rojnamevanî
Hevbendiya Niştimanî ya Sûrî, germtirîn pîrozbahiyan bo gelê Sûriyê yê azad û xweragir û herdû umetên erebî û îslamî bi boneya cejna remezanê pêşkêş dike, û ji xwedayê mezin hêvî dike ku li Sûriyê û sûriyan bi xêr û serkeftin û li ereb û muslimanan bi xêr û bereket vegere.
Yazde sal in cejna remezanê di ser sûriyan re bi êş û xem derbas dibe, bi sedema tawanên rijêma Esed û Rûsiya û Îranê dermafê gelê Sûriyê yê ku niha ji hev bela bûye û li hejmarek mezin ji dewletên cîhanê bûye penaber.
Her cejnek di ser sûriyan re derbas dibe, tirajîdiya bi hezaran jinên ku zarokên xwe ji dest dane nû dibe, û bi hezarên malbatan endamin wan hîn di zîndanên Esed yên ku bûne cihê gurandina mirovan de girtîne, bibîr tînin.
Bi sedên hezaran ji girtiyan ev bone di ser wan re derbas dibe, bêyî ku zanbin ku cejn hatiye, ji ber ku di girtîgehên tarî de ne, yên bicarekê ronahiyê nabînin, û sibeh û êvarên wan li gel qamçiyan diqedin, bê ti guneh an tawan kiribin, lê tenê ji ber ku daxwaza azadî û rûmeta walatê xwe kirine.
Komkujiya taxa Eltedamun li Şamê yaku asayîşên rijêma Esed pêk aniye, nimûneyeke ji hezarên komkujiyên nediyar, û ev komkujî dibe ku bersiva çarenûsa bi hezaran ji kesê girtî û windakirî bide, û çênabe ku cîhan li gel rijêma tawanbar bêdeng bimîne, piştî ku nîşan û belge ji berî bêhtir ji deh salan de li pey hev derdikevin, û weke rijêma qirkirinê ya hovane diyar dibe.
Vîn û rijdiya sûriyên azadîxwaz wan berve pêşde dibe, di rêya ku ji deh salan de dimeşin, rêya azadî û rûmetê, di rêya afrandina cejneke nû bo tevaya sûriyan, yaku bibe roja rizgariyê ji rijêma Esed û hevalbendên wê û tevaya milîsên biyanî yên ku sûriyan dikujin û jiyanê li wan teng dikin.
Silav ji Hevbendiya Niştimanî ya Sûrî bo gelê Sûriyê yê gewre û xweragir, yê rijd e li ser pêgiriya bi şoreşê û pirensîpên wê, tevî rewşên derdorê, li gel hêviyên me bo tevaya sûriyan ku em şahiya cejna dahatî bi serkeftin û şahî li dar bixin.
Xwedê rojiya we bipejrîne, û her sal hûn di nav xêr û xweşiyê de bin
Hevbendiya Niştimanî ya Hêzên Şoreş û Rikberiya Sûrî
Ofîsa Ragihandin û Peywendiyan
01 gulan 2022
