Daxuyaniyeke Rojnamevanî
Hevbendiya Niştimanî ya hêzên şoreş û rikberiya Sûriyê, bi helkefta cejna qurbanê pîrozbahiyên germ dide gelê Sûrî û miletê me yê Ereb û tevaya Mislimanan, û bi vê helkeftê dilovaniya xwedê ji şehîdên me yên nemir ên xwîna paqij li ser xaka welat rijandin re dixwaze, û hêviyê ji xwediyê mezin dike ku wan bi dilovaniya xwe şad bike, û cihê wan buhişta berîn be.
Cejna Qurbanê bi ser me de tê, lê dilê me bi xem û kul e li ser kesên me yên girtî û bêseruşûn di girtîgehên tarî û di bin îşkenceya rejîma stemkar de, ku heta niha jî hîç çalakiyek navnetewî li asta van tawanan nehatiye kirin, tevî hebûna bi dehan hezar belge û wêne û dokument li ser wan.
Em pêşwaziyê li vê cejnê dikin û gelê me hêjî di nava xwînê de ye, ku hêjî oparesyonên hovane ji aliyê rejîmê û Rûsan dijî gelê me dibin, û hêjî pêlên koçberiyê zêdetir dibin û trajediya penaberên li kampan zêdetir dibe.
Em careke din dupat dikin ku em dê berdewam berevaniyê di ber mafên gelê xwe yên xweragir de bikin tevlî zêdetir ji heşt salan ji tawanên hovane bi alîkarî û beşdarbûna Rûsya û Îranê, ku bi dirêjahiya van salan bûne du dewletên dagîrker, ji ber kontrolkirina wan a bi temamî ji biryara saziyên dewleta Sûriyê re.
Herweha em cejna şervanên xwe yên li çeperên şer bi rêzgirtin û bilindnirxandin pîroz dikin, û destxweşiyê li destkeftên wan û qehremaniya wan dikin, li ser têkşikandina afsana artêşa Rûsyayê û têkşikandina armanc û projeyên wê yên ferzkirina çareseriya leşkerî li ser tevaya gelên Sûriyê yên qehreman, û têkşikandina hewldanên dubarekirina desthilatdariya rejîma Esed ya nerewa ji ber tawanên wê yên mezin û destdanîna wê li ser aboriya dewletê û berpirsyariya wê li hember wêrankirina tevaya welat û koçberkirina gelê wî.
Di dema ku em baweriya xwe bi mafê gelên Sûriyê ji bo jiyanek bi rûmet û aram piştrast dikin, em careke din baweriya xwe bi prensîbên şoreşa Sûrî û daxwazên rastîn yên gelê me ji bo azadî, rûmet û demokrasî tekez dikin, û pêwîst e civaka navdewletî bi berpirsiyariyên xwe rabe, ji bo parastina sivîlan û piştgirî û alîkariya gelê Sûriyê bike, ji bo bidestxistina daxwazên paşerojeke geş û avedan ji bo zarokên xwe .
Careke din bi vê helkeftê pîrozbahiyê li tevaya pêkhateyên gelê Sûriyê dikin, û em cext li ser giringiya hevkarî û yekrêziyê di navbera hemû pêkhateyên gelê Sûrî de dikin, hêvîdarin ku trajediya gelê me bi dawî bibe û girtî û kesên bêserûşûn ji girtîgehan azad bibin, û penaber û koçberên me vegerin welatê xwe, û cejna bihêt ya xêr û xweşiyê be, û daxwazên gelê me têde ji bo rizgarbûna ji dagîrkeran û avakirina dewletee azad û dadar bi cih werin.
Hevbendiya Niştimanî ya Hêzên Şoreş û Rikberiya Sûriyê
Ofîsa Ragihandinê
10.08.2019
