Daxuyaniyek Rojnamegerî
Destdanîna dawî a Rêxistina Dewleta tirorist li ser bajarê Tedmura şûnwarî li gundewarê parêzgeha Humsê, nîşaneke nû ye ji hêsankirinên ku rejîma Esed ji rêxistinên tirorist re pêşkêş dike bo lêdana hêzên şoreşê, têkbirina rastiya wêneya wê, xistina xelkên Sûrî pêş nereastiya (Yan Esed û Yan Daiş), û diyarkirina rejîmê mîna hevparekî di şerê tirorê de.
Destdanîna Rêxistina Dewletê li ser bajarê Tedmurê, eger nîşana rencxuriya Esed ji rêxistinên tirorist di rêvebirî û rêdariyê de be, ew ji hêleke dî ve nîşana berbitêkçûna hêzên Esed di berdewamiya destdanîna ser edrd û saziyan e, û guhertina wan ber bi komin çete de ku tu armanc ji bilî pêşveçûna li ser stuwên millet ve tune ye.
Herweha pêşveçûna Dewletê a dawî bi awayekî beloq, bêsûdeyiya derbên Hevpeymaniya Navdewletî di rawestana berfirebûna vê rêxistinê de diyar dike, û eybek di hindirê stratijiya ku bikar tê de heye,û çarenûsa wê têkçûn e eger piştgiriya Artêşa Azad a Sûrî neke û hevrêziyê pê re pêk neyne, ji ber ku ew hêza tekane ye ku dikare şerê tirora Esed û rêxistina Dewletê bike, û îroj ew vî tiştî dike, bi pêwistiya pêkanîna hewcedariya xelkên Sûrî bi devereke aram , û piştgiriya Hêzên şoreşê bi çekên cûreyî ku aramiyê ji Sûryan re di gundên wan de misoger bike.
Bûye ji erkê Civaka Navdewletî, gavin bihêz û bilez di vî alî de bavêje, bi taybet piştî destdanîna rêxistinê li ser jêderên taqetê li bajarê Tedmur, ku wê ev yek alîkriya wê di vegirtina wê ber bi deverin mezintir de bike, û xetên alîkarî û istratîjî yên nû bixe nav destê wê.
Wê ne tenê miletê Sûrî ji tirora Esed û Rêxistina Dewletê û fikrê wan ê sînorderbaskirî ziyandar be. Tiştê gerek û tê xwestin, hevgirtineke rastîn ji hemû aliyan, û bi dawîkirina çi perçebûnê derbarê çawaniya danûstendina bi rewşê re, ku êşa milletê Sûrî rawestîne, herweha tirora rêbazkirî a Esed û pêvekên wî ji rêxistinên tirorist û milişiyên regezperist ku li rex wî û li gor berjewendiyên wî şer dikin jî rawestîne.
Xalid Xoce
Serokê Hevbendiya Niştimanî Bo Hêzên şoreşê û Hevrikiya Sûrî
22 Gulana 2015
