Daxwiyaniyeke Rojnamevanî
hêzên rijêma kujer, sibeha îro Komelkujî û tawaneke nû di riya bombebarana bi topxaneyan re li ser taxeke nişteciyan li bajarê Erîha yê gundewarê başûrê Idlibê pêk anî, û ji encamê bikêmanî 11 kes ji sivîlan şehîd ketin, di nav de hejmarek ji zarokên ku diçûn dibistanê hebûn, û hejmara birîndaran bêhtir ji 40 kesî ye, rewşa hinan ji wan pir xirab e.
Di dema ku gereke nû ya Komîteya Destûrî li Cinêvê lidar dikeve de, rijêma terrorîst di riya vê tawanê re tekez dike ku ew nehatiye guhartin, û ku baweriya wê bi çi çareyê li Sûriyê ji bilî riya kuştin û wêrankirinê tune ye.
Li pêşberî van bûyeran, ji civaka navdewletî tê xwestin ku destpêşxeriyê pêşkêş bike, û berpisyariyê derbarê tiştên dibin hilgire, û bi metirsiya cidî hest bibe, ji ber ku dibe bûyerin mezin biqewimin ger rewş li gor hez û pilanên rijêmê û hevalbendên wê be.
Bersiva tê xwestin derbarê van tawanan de ew e ku doseya lêpirsîna navdewletî were kartêkerkirin, û çareya siyasî were sepandin, û rijêm pabendiyê bi cîbicîkirina biryarên navdewletî û pirosesa veguhestina siyasî li gor daxwiyaniya Cinêvê û biryarên Encûmena Ewlekariyê hejmar 2118 û 2254, her weha li gor biryara Komeleya Giştî ya Netewên Yekbûyî hejmar 262/67, bike.
Hevbendiya Niştimanî ya Hêzên Şoreş û Rikberiya Sûrî
Ofisa Karûbarên Penaberan
20 çirya pêşîn 2021
