Daxwiyaniyeke Rojnamevanî
Filestîn îro rûpelekî nû di dîrokê de û li deverê vedike, û sernava wê serkeftinê: Gemkirina hêzên dagîrker e, daku dijminkarî li ser xak û gelê wê nedomîne, û ev qonax bi vîn û serfiraziya mêrên filestînî û jinên wê û dayîk û zarokên wan û qurbaniyên ciwanên Filestînê û mêrxwasî û vîna wan ya wek latên kevirên Qudsê hate xêzkirin.
Silaveke mezin ji Sûriyê bo xelkên me yên li tevaya Filestînê, li Bêt Elmeqdis û Geze û her bostek ji xakên dagîrkirî û xelkên me yên li Colana Sûrî ya dagîrkirî re.
Silav ji bo jin û mêrên filestînî yên li devera di sala 48an de hatiye dagîrkirin re, yên ku tev di xwepêşandan û mangirtinan de dijî kiryarên dagîrker û dijminkariyên wî beşdarî kirine, û herdem piştgirên zemînê û xelk û dozê bûn, her weha gelên azadîxwaz gencîneya xwe ne, ji bo misogerkirina serxwabûn û rûmeta xwe.
Silav li mêrên azadîxwaz yên ku li hember dijminkariyên dagîrker radiwestin, û bi mêrxasî sînorekî jêre datînin.
Hemû azadîxwazên cîhanê amade bûn û tevgera xwe bo piştgiriya doza rewa ya Filestînê kirin, lê peykerên ji kaxezan û kesên gotinfirotinê dikin, tenê bêdeng man, ji 50 salî de bazirganiyê bi rizgarkirina Filestînê dikin, di dema ku gelên xwe diperçiqînin, bi bihaneya rizgarkirina vala, tevî ku filestînî û gelên wî beşê peyvfiroş tenê dijîtiya azadiyê û serkutkirin û koçberkirina azadîxwazan ji wan dîtiye, û kiryarên wan ji kiryarên dagîrkerê Îsraîlî pîstir in, ev beş ne bi Filestînê û nejî bi Qudsê mijûl e, lê îro tenê bi bazirganiya keresteyên hişbir û kuştina azadîxwazan li Sûriyê, Yemen, Libnan û Îraqê mijûl e.
Hevbendiya Niştimanî cextiyê li ser pêwîstiya bidawîkirina siyaseta dagîrkerî ya kirêt dermafê Filestîniyan dike, û tekeziyê li ser rawestana li kêleka gelê sûrî li rex mafên rewa yên gelê Filestînê li ser xaka wî û mafê avakirina wî ji dewleta xwe ya serbixwe ya paytexta wê Qudis be, yaku dê bimîne xakeke erebî, dike, û ne ji mafê tu kesekî din e ku serweriya wê bike, û dem pir dirêj nake, dê gelê filestînî tevaya mafên xwe bistîne, di riya çareya rewa û tam re, yaku dê tundiya ku li ser wan bi kar tê bidawî bîne, û aramiya deverê dabîn bike.
Serkeftina Filestînê îro serkeftina maf li dijî zordariyê ye, û serkeftina xwediyên xakê li ser dagîrkerê demkî ye, û serkeftina vîna gel e, serkeftina we pîroz be, xwediyên xaka pîroz! Û em jî bi saya xweda li pey we tên.
Hevbendiya Niştimanî ya Hêzên Şoreş û Rikberiya Sûrî
Ofisa Ragihandin û Peywendiyan
21 gulan 2021
