Daxwiyaniyeke Rojnamevanî
Hevbendiya Niştimanî ya Sûrî, gurkirina tawankarî ya dagîrkerê Rûsî li ser bakurê Sûriyê şermezar dike, di dema ku tawanên Rûsiya mezintir dibin, û diyar dike ku kuştin û koçberkirin zimanê danûstandinê yê bi tenê ye li bal Rûsiya, û di riya wê re siyaseta teror û zordariyê li deverê bikar tîne.
Û Rûsiya di riya bombeberan û binpêkirinên xwe yên berdewam li ser bakurê rizgarkirî re, gefê dide jiyana derdora 5 milyon sivîlî, nîvê wan ji kesên ku bi kotekî hatine koçberkirin in, û Rûsiya kar li ser afrandina tirajîdiyeke mirovahî ya mezin dike, bi ser derdeseriyên jiyanê yên dijwar ên ku sivîl tê de dijîn, li kêlek bêtara korona, û rewşa zivistanê ya dijwar, û heye ku bibe sedema derketina pêlin nû ji penaberan.
Û balefirên cengê yên Rûsiya, gundewarên Heleb û Idlib û Hemayê bombebaran kirin, û di bombebaranê de bêhtirên avahiyên jîndarî û xizmetkariyê armanc kirin, û avahiyên ku alîkariya sivîlan dikin daku li ser xaka xwe bimînin, û bi awayekî rêbazkirî xanên mirîşkan armanc kirin, ew jî derdeseriyên sivîlan zêde dike, û nahêle ku di rewşa aborî ya xirab de aramiyê bibhînin, û gefê dide ser ewlehiya xwirdemeniyê, her weha bombebaran gihişte westgeha ava Elerşanî yaku ava vexwarinê li tevaya bajarê Idlibê belav dike, û ew westgeh ji ber bombebaranê hate rawestandin.
Şermezarkirina tawanên ku Rûsiya pêk tîne erkekî sincî li ser aliylên civaka navdewletî ye, û rawestandina tawanan û sizakirina kesên ku pêkanîne ji hêla dewletên xwedî-bandor di civaka navdewletî de erkekî yasayî ye, ji bo ku gefa berdewam ya li ser sivîlan bidawî bibe, nemaze li ser koçber û derbiderên Sûrî yên li bakurê Sûriyê.
Hevbendiya Niştimanî careka dî daxwaza dîtina mîkanîzmeke navdewletî ya vebir û rêşûnin piratîkî yên xwedan çarçoveyeke demî ji aliyên navdewletî yên çalak dike, daku rawestandina bombebaran û komelkujî û tawanan û sizakirina tawanbarên cengê misoger bibe, û derdeseriyên bi milyonan ji derbider û koçberan û bi dehên hezaran ji girtiyan bidawî werein, her weha tevaya biryarên navdewletî yên têkildar cîbicî bibin.
Hevbendiya Niştimanî ya Hêzên Şoreş û Rikberiya Sûrî
Ofisa Ragihandin û Peywendiyan
3 kanûna paşî 2021
