Daxwiyaniyeke Rojnamevanî
Komelkujiya ku Rûsiya duh sibehê pêk aniya, dê çênebûba û dubare neba ger civaka navdewletî bi berpisyariyên xwe yên rasteqîn rabûba. Ev tawan bû sedema şehîdketina 5 sivîlan ji malbatekê, 3 zarok di nav wan de hebûn, piştî ku balefirên Rûsî bexçeyekî ku derbiderên Idlibê têde bicî bibûn arman kir.
Tawanên Rûsiya bi dirêjiya salên bûrî ranewestiyane, her dubare dibûn. Tirsandin û koçberkirin û komelkujî, weke çekekî bikar tên, daku çareya siyasî ji holê rabe, û dijatiya hêviyên gelê Sûrî bibe, û rijêma tawanê li ser Sûriyê û deverê û cîhanê bisepîne.
Baweriya rijêmê û Rûsiya bi çi çareya siyasî li Sûriyê bêyî tirsandin û serkutkirina leşkerî tune ye.
Divê ev tawan û komelkujiyên berdewam dermafê gelê Sûrî rawestin, û aliyên ku berpisyarî û erkên xwe derbarê rawestandina tawanan û cîbicîkirina biryarên navdewletî hilnagrin, dibin hevpar di tawan û jikarêxistina wan biryaran de.
Helwestên civaka navdewletî yên sist derbarê tawanên dagîrkerê Rûsî û Îran û rijlêma Esed, cihê şermê ne û bi temamî retkirî ne, û wek pişikdariyeke nerênî ye di her tiştê ku tê serê gelê Sûrî ji deh salan de.
Em careka din daxwaza mîkanîzmeke vebir dikin ku tevaya aliyan di riya wê re berpisyariyê hildigrin, û têde ceza li gel rêşûnên piratîk di çarçoveyeke demnîşankirî de ferz bikin, û misoger bikin ku bombebaran û komelkujî û tawan rawestin, û tawanbarên cengê û di serî de Beşar Esed siza bikin, û derdeseriyên bi dehên hezaran girtiyên di zîndanên rijêmê de bidawî bibe, û vegera koçberan ewle be, û tevaya biryarên navdewletî cîbicî bibin.
Hevbendiya Niştimanî ya Hêzên Şoreş û Rikberiya Sûrî
Ofisa Ragihandin û Peywendiyan
12 çirya paşîn 2021
