Daxwiyaniyeke Rojnamevanî
Sizayên Ewropî yên vê dawiyê dijî wezîrin di rijêma Esed de derketine, nîşaneke erênî ye ji hêla Yekîtiya Ewropa û dewletên xwedî-bandor di doseya sûriyê de, Tekez dike ku helwestên wan derbarê rijêmê û tawanên wê neguhêr in.
Hevbendiya Niştimanî helwestên Ewropî yên neguhêr dijî tawanên rijêmê û binpêkirinên wê û astengkirina berdewam ji pirosesa siyasî re û retkirina rijêmê ji cîbicîkirina biryarên navdewletî re, bilind dinirxîne. Lê tevî giringiya van cezayan û xwirtiya sizayên berê, ew nikarin bihêlin ku rijêm neçarî pabendiya bi biryarên navdewletî bibe.
Dewletên xwedî-bandor di Yekîtiya Ewropa de tevî Emrîka û Birêtaniya, ew in aliyên ku dikarin vê ketwarê biguhêrin. Lê divê pêngavin din bên avêtin, daku sînorek ji tawan û kuştin û jikarêxistinê re were danîn, û li dijî dewletên ku alîkarî bi vê rijêmê re kirine û yên di tawanê de beşdarî kirine, û bûne sedema yekser ku rewş bighê vê astê, derkevin.
Deh salên bûrî nîşanên eşkere ne ku rijêm dikare bi xap û lîstikan ji sizayan bireve, û raporên vê dawiyê diyar kirin ku di sala çûyî de rijêmê karibû dest deyne ser nîvê bihayê alîkariyên navdewletî, di riya bikaranîna bihayekî ferzkirî ji bo hûrkirina pereyan li gor dolarê Emrîkî. Û hin kampaniyên bê binyat û kampaniyin bazirganî çalakiyên hin alî û kesayetên rastî sizayan hatine vedişêrin, û guman heye ku hinek ji wan bazirganiya keresteyên hişbir dikin.
Careke dî Hevbendiya Niştimanî daxwazê ji tevaya aliyên navdewletî dike, ku berpisyariyê hilgirin, û kar li ser avakirina mîkanîzmeke navdewletî ya vebir bikin, yaku têde hemû hêz bo sepandina sizayên li ser rijêmê bi yek bin, li gel rêşûnên piratîk di çarçoveyeke demnîşankirî de, daku rawestandina Tawana berdewam li Sûriyê misoger bike, û derdeseriyên bi dehên hezaran ji girtiyên di zîndanên rijêmê de bidawî bibe, û vegera ewle bo koçberan misoger bibe, û biryarên navdewletî û di serî de biryara 2254 cîbicî bibin.
Hevbendiya Niştimanî ya Hêzên Şoreş û Rikberiya Sûrî
Ofisa Ragihandin û Peywendiyan
16 çirya paşîn 2021
