(Hewlêr – Hîwa can) Kampa giwêlan kû navê wê di dema rêjîma Seddam de (giwêlana Ereba bû) aniha penaberên kurdên sûrî tê de dijîn.
Ji despêka sala 2013an de penaberên kurdên sûrî di vî gundî de bi cî kirin, wê çaxê jimara wan hindik bû. Lê rojbiroj ew jimar zêde dibû. Di gund de dibistaneke qonaxa amadekarî ji dema rêcîma Seddam de hebû, û gava penaber li gund bicî bûn, wan ew dibistan aktîv kir. Lê bi zêde bûna xelkê, rêxistina Unîsêf du dibistan di nav çadirên kampê de ava kirin. Di sala 2013an de jimara xwendekaran giha 525 xwendekarî, lê 350 xwendekaran tenê xwendina xwe berdewam kirin ji nav xwendekarên pola 1 û heta pola 12.
Îsal bi zêdebûna jimara penaberan li kampê û nexasim piştî êrîşkirina rêxistina Daiş ser bajarê Kobanê û hatina zêdey 1445 malbatan bo herêma kurdistanê, ew dibistana kevin bû cihê jiyana penaberan û xwendekar xwendina xwe di herdû dibistanên nûde berdewam dikin.
Li gorî gotina cîgirê rêveberê dibistanên kampê mamoste Hesen Eyûb ji mere tekez kir, jimara xwendekaran dighê 1100 xwendekarî ji pola 1 heta pola 12 ku xwendina xwe berdewam dikin. Lê bi sedema tengbûna cihê xwendinê hîna zêdey 1000 xwendekarî dûrî xwendinê ne, û tevî kû gelek kêmayî di pêdiviyên xwendinê de hene di qonaxa sertayî de û qonaxa amadekarî de, lê dîse em hêvî dikin kû reveberiya perwerde ya herêmê derfetê bide me kû em wan zarokên dûrî xwendinê ketine vegerînin xwendina wan.
