Serokwezîrê Hikûmeta Sûrî ya demkî, birêz Abdul Rehman Mistefa û wezîrên hikûmetê, serdana deverên rizgarkirî li hejmarek bajar û bajarokên deşta bakurê Helebê kirin, û serdana encumenên xwecihî û Fermandariya polîsên niştimanî kirin, û mekanîzmayên kar û xizmetgozariyên têne pêşkêşkirin ji sivîlan re şopandin.
Serokwezîr û kabîneya hikûmetê civînên cuda li bajarên “Bab, Azaz, Biza’a û Qabasin” lidar xistin, û plan û karnemeya hikûmetê bi serokên xwecihiyan û rêveberiyên polîsan re li ser erk û rola wan pêşkêş kirin.
Serokwezîr û wezîran behsa awayên vekirina asoyên kar û rûbirûbûna pirsgirêkên dikevin pêşiya pêşxistina karê rêveberiyê li hemû wezaret û saziyan kirin, herweha vekirina derfetên kar ji bo ciwanan li hemû deverên rizgarkirî gotûbêj kirin.
Serokwezîr spasiya rola encûmenên xwecihî di sepandina rêveberiya sivîl li deverên rizgarkirî û baştirkirina rewşa karûbarê xizmetgozariyan kir, û bal kişand li ser giringiya bihêzkirina têkiliyan bi hemû saziyên din re, û avakirina têkiliyên hevkariyê bi wan û civata deverê re.
Û giringî da hevtekûzkirina xebata polîsên niştimanî û wezareta navxwe ya hikûmeta demkî, û bihêzkirina ewlehî û aramiyê li deverên rizgarkirî bi pêgaveke dirist da zanîn, ji bo serxistina plana hikûmetê bi beşdariya hemû wezaretan û kartên fermî û medenî.
Jêder: Ofisa Ragihandina Hevbendiya Niştimanî Sûrî
