Serokê hikûmeta demkî ya Sûrî, birêz Abdul Rehman Mistefa, yekîtiya di nabera bereya rizgariya niştimanî û artêşa niştimanî de di bin banê wezareta berevaniyê ya hikûmeta demkî de ragihand, û bi vê yekê artêşa niştimanî ji heft parartêşan û nêzî 80 hezar şervan pêk tê.
Hikûmeta demkî di çarçoveya plansaziyên xwe de dixebite ji bo yekkirina hemû fraksiyonên leşkerî û damezrandina artêşek niştimanî ya profesyonel bi armanca zêdekirina ewlehî û aramiyê li deverên rizgarkirî.
Di preskonferansekî de û bi beşdariya hejmarek mezin ji efseran, birêz Abdul Rehman Mistafa ragihand ku artêşa niştimanî û bereya rizgariya niştimanî di bin yek banî de bûne yek, û dê li ser bingeheke leşkerî ya birêkûpêk ser bi wezareta parastinê ya hikûmeta demkî ve bixebite.
Mistefa tekez kir ku armancên artêşa niştimanî ji bo rizgarkirina tevahiya xaka Sûrî ji zordariyê ye, û dijberiya gendelî, dîktatoriyet û mezhebperestiyê, û parastina yekîtiya axa Sûrî, û parastina herêmên rizgarkirî û vegerandina deverên dagirkirî ji xwediyên wan ên rasteqîn re ye.
Hêjayî gotinê ye ku Merîşal Salim Idris wezîrê berevaniyê û serkanê artêşê ye, di heman demê de Ceneral Adnan Al-Ahmad cîgirê serkanê parartêşa yekem û duwem û sêyem e, û Ceneral Fadlallah Al-Hecî Cîgirê serkanê parartêşa çarem, pêncem, şeşem û heftemê ye.
Jêder: Ofisa Ragihandina Hevbendiya Niştimanî Sûrî