Sekreterê giştî yê Hevbendiya Niştimanî ya hêzên şoreş û rikberiya Sûrî, Abdul Basit Abdul Latif, civînek ligel komek ji xelkê parêzgeha Dêrazorê û Hisçe pêk anî, û bi wan re rewşa herî dawîn û pêşhatên siyasî û dîtina Hevbendiya Niştimanî ji bo birêvebirina herêmê gotûbêj kir.
Herweha cîgirê serokê encûmena bilind ya eşîrên ereban, şêx Amir Al-Beşîrr, û birêz Ibrahim Paşayê Milî, yek ji rihspiyên bajarê Serêkaniyê ye, beşdar bûn.
Beşdaran nêrînên xwe li ser devera ewle û operasyona “Kaniya Aştiyê” pêşkêş kirin, û banga peydakirina ewlehî û aramiyê ji xelkê re kirin û daxwaza destpêkirina karê hikûmeta demkî kirin.
Wan bal kişsnd li ser girîngiya ku wezareta rêveberiya xwecihî ya hikûmeta demkî rabe bi damezrandina encumenên xwecihî yên bi bandor ji bo nûnertiya gelê deverê bi rastî bikin, tevî avakirina dezgehên polîs, û peydakirina karûbarên din wek ên tenduristî û perwerdehiyê.
Wan bal kişand li ser pêwîstiya şopandina dezgehên hikûmetê ji çekdar û fermandarên Artêşa Niştimanî ya Sûrî re, ji bo nehêlin binpêkirin çêbibin.
Sekertêrê Hevbendiya Niştimanî tekez kir ku Hevbendiya Niştimanî bi hikûmeta demkî ya Sûrî re dixebite ji bo kontrolkirina ewlehiyê û peydakirina aramiyê li deverê piştî oparesyona “Kaniya Aştiyê”.
Wî diyar kir ku nêrîna Hevbendiya Niştimanî li ser bingeha rêveberiya herêmê ji aliyê xelkê wî ve ava dibe, û diyar kir ku hikûmet vê dawiyê di avakirina xwecihiya bajarê “Girê spî” de bi ser ket, û danûstandin dibin ji bo avakirina encumenên xwecihî bi riya nûnerên xelkê deverê.
Jêder: Ofisa Ragihandina Hevbendiya Niştimanî Sûrî
