komîteya biçûk ya 45 endamên Komîteya makezagonê, îro roja duşemê rûniştina xwe ya yekem li Netewên Yekbûyî, bi amadebûna nûnerê NY li Sûriyê, Gir Pederson, lidar xist.
Herdu hevserok rêkeftin ku rojeva vê civînê bête terxankirin ji bo danîna bernameyê karê Komîteyê di civînên pêş wan de, bi riya sûdwergirtina ji gengeşekirina raman û pêşniyarên hatibûn pêşkêşkirin di civînên desteya fireh de ji bo destnîşankirina prensîbên guncav ku destûr li ser ava bibe.
Nûnerên komîteya danûstendina Sûrî di komîta destûrî de pêşnîyazek ji bo mekanîzmaya xebatê di vê civînê da pêşkêş kirin, da ku bikevin di rojeva vê xulê de û mekanîzma ji bo pêkanîna wê bête danîn.
Endamê Komîteya Destûrî Ahmed al-Asrawi diyar kir ku li gorî desthilatdriya ji komîta destûrî re hatiye dayîn, komîte dê bixebite da bigihîje rêkeftinekê jibo amadekirina destûreke nû ji bo welat.
Wî got ku kilîta karê komîta biçûk ji 12 prensîbên zindî pêk tê, yên ku ji hêla Sûriyan de bi Netewên Yekbûyî re di gera berê ya Cenêvê de hatine pejirandin, û di daxuyaniya xwe ya dawîn de ji hêla Konferansa “Sotçi” ve hatine pejirandin.
Wî herweha got ku erkê hemû endamên komîteyê ye ku wek tîmekê ji bo berjewendiya sûriyê bixebatin, çi qas nêrîn û helwestên wan cûda bin jî.
Wî tekez kir ku nûnerên desteya danûstendinê di komîteya destûrî de hemû raman û naverokan yên ku divê hemû endam têde hevkar bin qebûl dikin, ku di destûra nû de bibin beşên nû û xizmeta berjewendiya gelê Sûriyê bikin.
Wî bal kişand ku endamên komîteyê rêbazek wan a ji bo kar heye, da kar li ser belge û rêzikên hatine pejirandin ji hêla Netewên Yekbûyî ve bikin. Û ev civînên desteya Destûrî hatine li ser bingeha daxuyaniya Cenêvê û biryara 2254 .
Jêder: Ofîsa Ragihandina Hevbendiya Niştimanî Sûrî