Hevserokê Komîteya Destûrî ya Sûrî, Hadî Al-Behra, û endamên komîteya danûstendinê ligel komelek çalakvan û lêkolînvan li salona siyasî li Gazîantebê li Tirkiya civiyan, û bi wan re encamên yekemîn gera Komîteya destûrî ya ku li Cenêvê di bin sîwana Netewên Yekbûyî de pêk hat gotûbêj kirin.
Al-Behra behsa karên di civînên yekem de ligel civînên komîteya biçûk bûn kir, herwiha behsa nebûna cidiyetê ji aliyê rejîmê ji bo xebata rastîn ya komîteyê kir, beramber têkiliya baş ligel şanda civaka sivîl, li ser bingeha berjewendiya niştimanî ya Sûrî.
Al-Behra behsa dosya bêserûşûn û girtiyan kir, wekî doseyeke bingehîn ku di nava komîteyê de hate pêşniyarkirin, û yadeştnameyek ji hêla desteya danûstandinê ve ji bo şanderê NY di dema destpêkirina karê Komîteyê hate şandin, ji bo serbestberdana girtiyan, wekî pêngavekê ji bo avakirina baweriyê.
Al-Behra bal kişand li ser girîngiya aktivkirina selikên din yên danûstendinê, hevşan ligel karûbarên komîteya destûrî, nemaze ya selikên desthilat û hilbijartinan, û tekez kir ku proseya sîyasî di qonaxa destûrê de nayê qewirandin.
Al-Behra diyar kir ku desteya danûstandinê daxwaz ji nûnerê NY kir ji bo aktivkirina karê selika terorê bi awayekî serbixwe ji xebata Komîteya destûrê.
Wî tekezî li ser giringiya têkiliyên berdewam ligel hemû aliyên gelê Sûrî kir, û li ser şirovekirina hemû hûrgulî, kaxez û pêşnîyarên pêşkêşkirî di nav karê Komîta Destûrî de.
Jêder: Ofisa Ragihandina Hevbendiya Niştimanî Sûrî
