Êrîşa Balafirên şer yên Rûsya û topxaneya rejîma Esed, bû sedema koçberbûna bi hezaran malbat ji bajar û gundên başûrê Idlibê ber bi cihên ewle ji bo zarokên xwe, hevdem ligel têkişetina civaka navdewletî di rawestandina makîneya leşkerî ya rêjîmê û Rûsyayê.
Li gorî çalakvanên xwecihî ku zêdebûna bombebaranê bûye sedema koçkirina bi hezarên malbatan di rojên dawî de ji deverên wan li başûrê gundewarê Idlibê ber bi deverên bakurê Idlibê.
Herweha duh hêzên Rêjîmê bi topa giran gundê Kefir Sanceh li gundewarê Idlib bi bermîlên teqîner topbaran kirin, sê bira hatin kuştin (Basel, Zekûr û Hamadî Yonis Al-Othman), piştî ku helîkopterên rêjîmê bermîlên teqîner avêtin ser gundî başûrê parêzgeha Idlibê.
Û berê jî “Kordînatorên bersivdanê” yên Sûrî di daxuyaniyekê de hişyarî dabûn derbarê berdewamiya operasiyonên dijminane yên ji hêla rejima Esed û Rûsya ve, ji ber ku civaka navdewletî li ser tiştê ku li bakurê Sûriyê diqewime bêdeng dimîne, û dibe ku bibe sedema zêdebûna hejmara mirovên koçber wek encama berdewamiya gulebarana herêmê ya rojane.
Di daxuyaniya xwe de, tîmê tekez kir ku armanca bizava ji hêla Rusya û rejîmê ve; valakirina deverê ji welatiyên wê ye, û da zanîn ku tişta li bakurê Sûriyê diqewime, berdewamiya koçberkirina bi zorê ye, ya ji destpêka sala 2015an ve ji hêla hêzên rejimê ve tê bikaranîn.
Jêder: Ofîsa RagihandinaHevbendiya Niştimanî Sûrî
