Fermanberiya peywendiyên derve û ofêsa rawêjkariyên Istratîcî û ofêsa lêkolînan ya Hevbendiya Niştimanî ya Hêzên Şoreşê û Rikberiya Sûriyê, civîneke hevbeş li dar xistin da dawîtirîn kaxezên komîta destûrî gotûbêj bikin.
Amadebûyan encamên rola yekem ya karê komîta destûrî ya ko roja îna bûrî li Cinêvê karê xwe bidawî kir pêşdîtin kirin .
Civîngeran tekezî li ser çendîn ramanên destûrî yên ko rola bidawîhatî encam dabûn kirin, yên ku ji hêla nûnerên desteya danûstandinan ya komîta destûrî ve hatin pêşkêşkirin.
Û bal kêşandin ser ko ramanên şanda rêjîmê pêşkêş kirine, tenê dixwazin destûra 2012ê cîbicî bibe, û hin guherînên piçûk tê de çêbibin, û têde her dubare behsa piştgiriya artêşa rêjîmê û hêzên li pişt wê dikin, û daxwaz kir ko sizayên abûrî ji ser berpirsên rêjîmê bêtin rakirin.
Amadebûyan dîtin ko piraniya ramanên ji aliyê Komîta Destûrî ve hatine pêşniyazkirin, derfetê didin endamên komîtê ko madeyên destûrî yên ko azadî û mafan diparêzin û dadwerî û wekheviyê dabîn dikin pêk bînin, her weha cudakirina hersê desthilatan, ya cîbicîkirinê, yasadanînê û dadweriyê di wan de dabîn dikin.
Hevrêzkar û endamên fermanberiyan rola Netewên Yekgirtî wek hêsankarê rûniştinan û pabendiya bi dema wan bilind nirxandin, û daxwaz ji civaka navdewletî kirin ko berdewam be û fişarê bide ser rêjîma Esed û şanda wê ya komîta destûrî tako bi rastî kar bikin.
Amadebûyan tekez kirin ko daraştina destûreke nû ji welat re çareseriya siyasî li Sûriyê misoger nake, û daxwaz kirin ko kar bibe bo vekirina zembîlên din û bi taybetî ya desthilatdariyê û ya helbijartinan , ji ber ew dê rê bide hemû biryarên navdewletî yên têkildar û pêşî daxuyaniya Cinêv û biryara 2254ê li gora dema destnîşankirî cîbicî bibin
Jêder: Ofêsa Ragehandinê ya Hevbendiya Niştimanî
