Endamê Hevbendiya Niştimanî ya Hêzên Şoreşê û Rikberiya Sûriyê Dr. Hîşam Merwe, di hevpeyivîna digel rojnameya Ekaz ya Siûdî, tekez kir ko beşdarbûna rêjîmê di danûstandinên rawekirina destûrê ya heftiya bûrî li Cinêvê bi fişarên navdewletî ji wan jî Rûsya amade bû.
Merwe di hevdîtinê de destnîşan kir ko fişarên navdewletî li ser rêjîmê helwesta desteya danûstandinê ya Sûrî xurtir kir, û amanc ji pirosesa siyasî bi giştî cîbicîkirina biryara 2254 û pêkanîna rêjîmeke siyasî nemezhebî ya miletê Sûrî wê bi azadî hilbijêre.
Merwe got ku komîta rawekirina destûrê ber bi cîbicîkirina biryara navdewletî ve ya hejmar 2254 diçe, ya ko dixwaze çareseriyeke siyasî peyda bike, û çar bendên wê hene yek ji wan bo desthilatdariya veguhêz e, û komîta destûrê amade bike û bide rapirsîna giştî û di pey re hilbijartin çêbibin.
Merwe got ku helwesta hevrikiya siyasî hêj xurt e, li gora biryarên navdewletî yên bi rewşa Sûriyê ve têkildar in, û dibîne ko rêjîm pabendiyê bi wan nake, eger ne di bin fişara navdewletî de be, û ji wan jî ya Rûsya û ev dihêle ko hevrikî digel rêjîmê bi hêz danûstandinê bike.
Merwe got ku gavên piçûk yên di gera bûrî de hatin avêtin , dihêle em geşbîn bin ko lihevkirinek li ser naveroka destûrî ya bingehîn ya destûra nû dê çêbibe, û got: tev ko gera yekem ji danûstandinan aşkere kir ko rêjîm di gelek babetên destûrî de jidil beşdar nabe.
Jêder: Ofêsa Ragehandinê ya Hevbendiya Niştimanî