Wezareta navxwe ya hikûmata demkî ya Sûrî amadekariyên dawî dike ji bo vekirina navendên polis û ewlehiya giştî li devera ewle ya li vê dawiyê bi riya operasyona Kaniya Aştiyê hatiye kontrolkirin.
Ev yek dikeve di çarçoveya planên hikûmeta demkî ya Sûrî de, û di pileya yekem de ye, ji bo kontrolkirina ewlehiyê û dabînkirina aramiyê û belavkirina aşitiyê û vegerandina jiyana normal ji bo niştecîhan.
Wezareta navxwe dest bi pêşwazîkirin û bijartina kesên dixwazin bibin polîs li bajarokê Girêspî li gundewarê Reqa, û Serêkaniyê li gundewarê Hisekê û deverên din li gundewarên bakurê Helebê kirin.
Ev yek hat piştî ku komîte ji aliyê wezaretê ve hatin amadekirin, ji bo pesendkirina kesên ku mercên xebitandina di ware polisiyê de bicîh tînin, li gorî pîvanên hebûna karînan û destpaqijiyê û asta zanistî.
Wezîrê Navxwe eqîd Moheydîn Harmoş, got ku tevaya kesên daxwazname pêşkêş kirine ji cûdabûyên ji polîs û artêşê û sivîlan in, ji herdû regezan mêr û jin.
Û tekez kir ku navendên nû dê aramî û ewlehiyê li devera ewle ya rojhilatê Firatê peyda bikin, û mal û milkên sivîlan biparêz in, û sazî û binesaziyên giştî biparêze, û tawankariyê jinav bibe, û belavkirina hestê ewlehiyê û hemû karên dikevin ser milê polîsan bi rêyên yasayî çareser bikin.
Jêder: Ofisa Ragihandina Hevbendiya Niştimanî Sûrî
