Hevbendiya Niştimanî ya Hêzên Şoreşê û Rikberiya Sûriyê, êrîşên Rûsan yên gelek caran li ser herêmên rizgarkirî pêk tên pirotesto kirin, û tekez kir ko amanckirina bargehên bijîşkî û dibistan û cihên niştecihan, mebest jê ko tirsê têkine nav xelkê û wan ber bi derbiderbûnê de bidin.
Hevbendiya Niştimanî destnîşan kir ko têkçûna rewşa mirovî ji encama operasiyonên leşkerî , diristiya pirosesa siyasî jî têk dibe, û bi şêweyekî neryênî bandorê li pirosesa destûrî jî dike, ko vê sibeha duşembê xula duyem dest pê kir.
Hevbendiya Niştimanî ji civaka navdewletî daxwaz kir ko bi erkê xwe rabe û pêrabûnên pêdivî bike tako amanckirina herêmên rizgarkirî raweste û sivîlan biparêze, û got ku giring e bendên daxuyaniya Cinêvê û biryara 2254 yên derbarê agirbestê li hemû xaka Sûriyê cîbicî bibin.
Hevbendiya Niştimanî rêz û silav bo xelkên Idlib û gundewarê wê yên xweragir şandin, û tekez kir ko tekoşîna miletê Sûrî bo azadî û rûmetê, tekoşîn mîna wê nîn e, û ev dihêle em bêtir sûr bin ko em amancên xwe misoger bikin.
Firokên Rûsî bargehên bijîşkî li gundewarê Idlib û gundewarê wê amanc kirine, ku di encama bombebarana firokên cengê, duhî yekşembê, nexweşxana Kîwan li gundê Kinisfera başûrê bajarê Idlib ji xizmetê derket û agirekî mezin li wî cihî çêbû.
Çalakvanin xwecihî gotin ko êrîşên Rûsî bûn sedem ko beşê hawarhatinê li Nexweşxanê wêran bibe, û bi tekûzî ji xizmetê derket, tev ko nexweşxane taybetmeda zarok û jinan e.
Ev amanckirina Rûsî bi zincîreke bombebaranê nexweşxane û xalên bijîşkî amanc kirin, ji wan jî nexweşxana Elixlas li gundê Şenan ya ji xizmetê derket, û sê kadiroyên bijîşkî yên wê birîndar bûne.
Li gor raportine rojavayî aşkere kirine, destê çekên asmanî yên Rûsî tê de heye, û bi mebest nexweşxane û xalên bijîşkî li bakurê Sûriyê digel hêzên rêjîma Esed ew bombebaran kirine.
Jêder: Ofêsa Ragehandinê ya Hevbendiya Niştimanî
