Şandek ji Hevbendiya Niştimanî ya hêzên şoreş û rikberiya Sûriyê, bi serokatiya Serokê Hevbendiyê, Enes Al-Abda, beşdarî konferansa pêncemîn ya salane ya Encûmena Turkmenên Sûriyê de, ku li bajarê Al-Ra’î li gundewarê Helebê lidar dikeve.
Herwiha cîgirê wezîrê derve yê Tirkiyê Yavuz Selim Kiran, û serokê desteya danûstendinê, Dr. Nasr Al-Harîrî, serokê hukumeta demkî ya Sûrî, Abdul Rehman Mistafa, û hejmarek mezin ji efserên arteşa niştimanî beşdarî konferansê bûn.
Serokê Hevbendiya Niştimanî tekezî li ser giringiya lidarxistina vê konferansê kir, û rola Turkmenên Sûrî bilind nirxand wek hemû pêkhateyên din di piştevanîkirina şoreşa Sûrî de, û rawestandina wan ligel daxwazên wan li dijî rejîmek neheq.
Wî bal kişand ku divê kar bibe ji bo avakirina sîstemekê li ser bingeha ramana hemwelatîbûnê bê cudahî, sîstemeke medenî ya ku hemû pêkhateyên Sûrî cîhê xwe têde bigirin di jîngeheke piralî, vekirî û şaristanî de.
Di axavtina xwe de, serokê hukumeta demkî ya Sûrî diyar kir ku rewşa Tirkmenan li Sûrî wek ya tevahî gelên Sûrî ji binpêkirina azadiyê, neheqî û zordarîyê ye, ku ji dehsalan ve ji hêla rejima teawankar ve li dijî gel hatî praktîk tê kirin, û got ku turkmen ji destpêkê ve beşdarî şoreşê bûn, di bin nûnertiya xwe ya siyasî de da ku dengê xwe bigehînin platformên herêmî, û navnetewî û daxwaza mafên xwe yên medenî û destûrî bikin.
Jêder: Ofisa Ragihandina Hevbendiya Niştimanî Sûrî