Serokê Hevbendiya Niştimanî ya Hêzên Şoreş û Rikberiya Sûrî, Nesir Elherîrî, daniştineke danûstandinê li gel hejmarek ji rojnamevan û çalakvanên sûrî pêk anî, tê de li ser astengiyên di riya şoreşa sûrî de û pilana karê Hevbendiya Niştimanî di qonaxa bê de axivîn.
Di wê rûniştinê de, Elherîrî diyar kir ku şoreşa sûrî di qonaxeke hestyar ya berî niha wek wê çênebûye li ser asta navxweyî û herêmî û navdewletî re derbas dibe, û tekez kir ku ew bi hêvî ye ku ev destpêka vekirina rûpelekî nû be di temenê welat de, piştî ketina rijêma Esed û çûna ber bi dewleteke demoqrat ve di bin siya yasayê de.
Elherîrî bal kişand ser ku dema gelê Sûriyê dest bi şoreşa xwe kir, bala cîhanê kişand ser Sûriyê, û tekez kir ku fakterê sereke yê şoreşa Sûriyê pêşde dibe gelê sûriyê bixwe ye, û got: “Şoreş bi xelkên xwe û sûrbûna şoreşgeran li ser bicîkirina daxwazên wê yên azadî û rûmetê tevlî tevaya rewşên tê re derbas bûne, vêketî maye.”
Û tekez kir ku hevbendî kar ji bo bihêzkirina hebûna xwe li deverên rizgarkirî dike, û xwirtkirina karê dezgehên xwe û di serî de Hikûmeta Sûrî ya Demkî, herweha Yekîneya Hevrêzkariya Peywendiya.
Û Elherîrî tekez kir ku hevbendî dê kar bike ji bo avakirina peywendiyên hevseng li gel tevaya dewletan li ser asta herîmî û navnetewî, û got: “ Em kar dikin ji bo vegerandina peywendiyan bi birayê ereb re, da em têkiriyan vegerînin reseniya berê.”
Û tekezî li ser têkiliyên baş li gel Tirkiya cîran, ya ku mezintirîn hejmar ji sûriyan pêşwazî kiriye, û her dem li pişta gelê Sûriyê bû di hêvî û armancên wî de, kir.
Û serokê Hevbendiyê Tekezî li ser giringiya peywendiyan li gel dewletên baweriya wan bi kêşeya gelê Sûriyê û armancên wî yên bidestxistina azadî û rûmetê tê kir, lê tekezî li ser pabendiya bi piransîbên wan peywendiyan kir, û di serî de serbixwebûna biryarê, û pêşindebûna bercewendiyên gelê Sûriyê yên bilind.
Û Elherîrî bal kişand ser ku Hevbendiya Niştimanî kar ji bo çêkirina vegerekê ji şêweyê karê xwe re, û avakirina peywendiyan li gel sûriyan li herderê, herweha çêkirina vegerekê ji dosyayên ku ew çavdêriya wan deke li ser asta xwecihî û navdewletî, dike.
Û elherîrî got, tiştê li Encumena Ewlekariyê dibe, şermeke ji civaka navdewletî re, û got ku dewleteke wek Rûsiya 16 caran Veto ji bo rijêma Sûriyê bikar aniye, û diyar kir ku ev bikaranîna nû ne ji bo sizdana rijêmê ye li ser bikaranîna wî ji çekên kîmawî re dijî sivîlan, lê ji bo nehêlana gihandina alîkariyên mirovî ye ji bo kesên hewcedar.
Û bal kişand ser ku Rûsiya dixwaze alîkariyan di riya rijêmê re derbas bike, û ew heman rijême ya bûye sedema derdeseriya Sûriyan û kuştin û derbiderkirina wan, û daxwaz ji dewletên dost kir ku mîkanîzmeke nû bibînin ji bo pêşkêşkirina alîkariyan dervî rêxistina navdewletî ya “pûç” bûye, û bûye alavek ji bo êşandina sivîlan û nema êdî rêyek ji bo çareserkirinê ye.
Herweha serokê Hevbendiya Niştimanî behsa pirosesa siyasî kir, û tekezî li ser piştgiriya Desteya Danûstandinan ya Sûrî û Komîta Destûrî ya Sûrî, û cext li ser giringiya gihiştina çareseriyeke siyasî li gor biryara 2254 kir.
Û tekez kir ku rijêm hîn jî pişta xwe bi çareseriya leşkerî ya xwîndar girêdide, bi piştgiriya Rûsiya û Îranê, yên ku karên leşkerî yên xwerab dikin ji bo danîna astengiyan ji çareseriya siyasî re, û da xwiyakirin ku rijêm ta vê kêlîkê jî hîn li ser biryara 2254 ya ku ji aliyê navdewletî de ji bo çareseriya siyasî li sûriyê hatiye pesendkirin erê nekiriye.
Jêder: Ofîsa Ragihandinê ya Hevbendiya Niştimanî ya Sûrî
