Wezareta Perwerde û Hînkirinê di Hikûmeta Sûrî ya Demkî de, raporek taybet bi pirosesa ezmûnên sala 2020an yên fêrnameyên gelemperî û amedeyî yên li deverên rizgarkirî lidar ketine derxist, û tê de diyar kir ku ezmûn li Heleb, Idlib, Hema, Lazqiyê bûn, her weha Ofîsa Libnanê.
Û li gorî raporê, hejmarek ji qonaxan di pilana karê Wezaretê de hebûn, wek: qonaxa amedekarî, tomarkirin, amedekirina pirsên ezmûnan, hewcedariyên ezmûnan, rêşûn û tedbîrên tendirustî yên pêwîst, rêveçûna ezmûnan, encama dawî ji yên ketine ezmûnê de, û rêjeya beşdarbûnê.
Û rapora Wezaretê eşkere kir ku ezmûnên şaxê wêjeyî di 4/7/2020an de dest pê kirin, û di 18/7/2020an de bi dawî bûn, û ezmûnên şaxê zanistî di 4/7/2020an de dest pê kirin, û di 21/7/2020an de bi dawî bûn, lê ezmûnên fêrnama bineretî di 4/7/2020an de dest pê kir, û di 18/7/2020an de bidawî bûn.
Û Wezareta Perwerdeyê û Fêrkirinê di rapora xwe de serjmara giştî ji yên herdû fêrnameyên diwenavencî û bineretî ya rola 2020 diyar kir, her weha diwenavenciya şerî û bineretî ya şerî û diwenavenciya pîşeyî, û got ku hejmara tevaya kesên xwe tomar kiribûn gihîşte 24717 û yên ezmûn pêşkêş kirine 23209 bûn.
Û raporê anî ziman ku rêjeya amadebûyan gihîşte 94 %, û bal kişand ku dê encamên ezmûnan di 15 hevya 8an de derkevin.
Û li gorî rapora wezaretê, tevaya rêşûn û tedbîrên pêwîst ji bo xweparastinê ji Korona di ezmûnan de hatin dabînkirin, û hemû navendên ezmûnan pak kirin, û mask ji karmend û çavdêr û xwendekaran re amade kirin, û navendên ezmûnan ji bo karmendan û xwendekaran bi dermanên pakkirinê amade kirin, her weha pabendî bi nehêlana kombûnê kirin.
Jêder: Ofîsa Ragihandinê ya Hevbendiya Niştimanî ya Sûrî