Wezareta Perwerdeyê ya Desthilata Sûriyê ya Demkî ragihand ko: “Biryara serokê Zankoya Înîno doh derket û hemû xwendekarên Sûrî yên ko Îsal navên xwe li wir pêşkêş kirine pesendkirin.”
Herweha Zankoya Înîno ya ko dikeve ser Furatê bilind li bajarê Melatya berê jî 90 Xwendekar pejirandibûn, û dema navnivîsandinê heta bi Cejna Qurbanê dirêj kir.
Wezaretê destnîşan kir ko” Serokê Zankoyê soz da Nûnerê Desthilata Sûrî ya Demkî bi pejirandina Xwendekarên Xwendina Bilind di beşên xwendinê ko li Zankoyê hene li gora karîna hewandina Xwendekaran. Û da xuyakirin ko: “ Zankoya Înîno hinek Akadimî ji bo mamostetiyê pêşwazî kirin, di taybetmendiya Zimanê Erebî yê Zanistên Ayînî de piştî kurte – jînameya wan dîtin”
Wezareta Perwerdeyê anî ziman: “Zankoyê dergehên xwe vekirin ji bo pêşwaziya Akadimiyên Sûrî yên ko bixwazin vekolînên zanistî bi hevkûfên xwe yên Tirk re bikin, û pêşniyazan bo van projeyan pêşkêş bikin.”
Û Wezaret li ser pejirandina zankoya Adîyeman axivî di derbarê wan kursiyên vala de ko xwendekar dikarin ji bo wan navên xwe binivîsînin.
Birêvebirê Zankoyê Niyazî Qehweçî di hevdîtinekê de digel Wezîrê Perwerdeyê Mihyeddîn Benana destnîşan kir ko: “Zankoyê 60 xwendekar pejirandin û ta niha 5 xwendekaran tenê navê xwe tomarkirine, û dema pêşwazîkirinê ta bi Cejna Qurbanê hate dirêj kirin.” Xwendekar Îsal dê zimanê Tirkî bixwînin û sala ko bê dê herin beşê xwe yê zankoyê bixwînin, û bijartina xwendekaran dê li ser bingeha jêhatîbûn û pabendiya bi xwendinê be.
Herweha Serokê Zankoyê ragihand ko Zanko ji bo pejirandina Xwendekarên xwendina bilind eger beşê xwendina wan hebe amade ye, bi mercê ko xwendekar bikaribe belgeyên xwe yên mohirkirî û wergerandî pêşkêş bike.
Herweha Dr. Qehweçî bi Wezîrê Perwerdeyê re li ser karîna pêşwazîkirina çend Akadimiyên Sûrî ji bo dersdana beşê zimanê Erebî û yê Zanistên Olî gengeş kir, piştî ko li jînameya wan binerin û tekez bikin ko dikarin mamostetiya zankoyê bikin.
Zankoya Adîyam ya ko heman nav hildigire li bakûrê sînorê Sûriyê bi 120km dikeve, di heman mijarê de, serokê zankoya Necmeddîn Erbekan li bajarê Qonyayê pejirandina xwendekaran heta serê meha çêriya pêşî dirêj kir, di taybetmendiyên ko li zankoyê hene û li gora kursiyên ko hene, û herweha xwendekarên xwendina bilind ew yên ko ji neçarî dev ji xwendina xwe berdane û xwendekarên ko bixwazin macistêr û doktora jî bixwînin têne pejirandin.
Jêder: Hevbendî
