Îro nivîsîngeha Hevbendiya Niştimaniya Sûriyê li Xûta rojhilat, dest bi vekirina zincîreka xolên rahênanê kir wek bizavekê ji bo bilindkirina karînên hejmarek ji jinan, ji bo çavdêrîkiyê bikin li ser rewşên derûnî yên zarok tûşî wan bûne ji encama kiryarên leşkerî yên hêzên Esed li ser gund û bajarên Sûriya yê. û Mihemed Xêr Elwezîr endamê hebendiyê û berpirsê nivîsîngehên hevbendiyê li bajarên Sûriyê, di dema çavpêketina xwe de ligel nivîsîngeha Hevbendiyê, got:” ji ber baredoxên awarte yên Xûta rojhilat têde derbas dibe û ji ber bandorên nerênî yên baredoxan li ser hemû waran, û ji ber giringiya wan bandorên nerênî li ser derûna zarokan, lewra pêwîst e çalakî bên kirin bo çavdêrî û piştgiriya derûnî ji van zarokan bibe. Lê kêmbûna kadirên jin nehişt ev pirogiram bi serî bibe, ji lewra çare tune bû ji bilî em korsên rahênanê ji bo jinan di warê geşepêdana derûnî de ji bo piştgiriya derûnî ji zarokan re bikin, û di vê çarçoveyê de û ji nav çalakiyên sentera xûta ya geşepêdan û rahênanê-nivîsgeha pêşxistina derûnî- korsek bi navnîşana( hunera alîkar ji riftarên zarokan re)bi armanca amadekirina kadirên jinên karibin di warê piştgiriya derûnî de bikin, bi riya pênasandina rahêneran li ser giringtirîn şêwazên kêmkirina reftarên nerênî û bihêzkirina reftarê erênî li rex zarokan”. herwiha Ewlwezîr tekez kir ku: ” Mamûn Erabî yê taybetmend di çavdêrî û piştgiriya piskolojî de, bi xwe serperiştiyê li ser bernamê rahênanê dike, û rahêner bi hûrbînî hatine helbijartin, ku pêwîste her rahênerek xwe pêşkêş bike bo van xolan, bawernameyek taybet hebe di warê piştgiriya derûnî ji aliyê zanistî de pêre hebe, bo şiyandina wê ji aliyê kargêrî ve, da karê xwe yê pêwîst bikin li ser pirosêsa çavdêrî û piştgiriya piskolojî bo qurbaniyên terora Esed û çeteyên wî li ser bajarên Sûriyê.”
Jêder: Hevbendî
