Komela Pizîşkên Dinanan Yên Tirk yên Nemûneyî, niyaza xwe ya temamkirina pirojê çareserkirina dinanên zarokên penaberên Sûriyê yên li Tirkiyê bê beramber ragihand, ew pirojeyê ku “Diyaa Berkat” yê bi regez Sûrî ye dest pê kiribû , û di heftiya bûrî de bi destê cîranekî xwe yê Amerîkî yê tundrew li Amêrîka hat kuştin.
Serokê damezrênerê wê Mizefer Irdoxiral got: “ku komeleya wî pilan dike bo ferehkirina pirojê Diyaa, pirojê qutabiyê Pizîşkiya Dinanan di zanîngeha Karolîna bakur de detpêkiribû, piroje di demek kurt û destnîşankirî debû, ku bê guhertin û bibe pirojeyekî demdirêj “.
Irdoxiral got ku: ” komeleya wî bi daxwaz e yekîneyên cîguhêz an jî cîneguhêz ava bike bo çareserkirina dinanan di kampên panberanên Sûrî de, herwiha ji bona bêhtir giringiyê bidin bi çareserkirina dinanên Zarokan û zêdekirina bîrewerî û têgihiştinê derbarê saxlemiya dinanan”.
Li gor axaftina Irdoxiral ku di werzê havînê de wê dest bi pirojeyî bikin ji bo wergirtina Sûd û mifayê ji qutabiyên pizîşkiya dinanan di dema bînvedana havînê de, û piroje wê bête piştbestin bi pizîşkên xwebexş û wê bo alîkarîkirina pizêşkên dinanan yên di kampan de kar bikin.
Ji aliyê xwe ve Idroxiral rexne li dupîvaniyê girtin li hember qurbaniyên Tundûtîjiyên di Cîhan de, ku êrîşa “Şarlî Îbdo” bi berferehî û li tevaya Cîhanê hat şermezar kirin, lê hîç giringî bi tawana “Tişabil Hîh” nehat dan ya ku têde Diyaa bû qurbaniyê wê tawanê.
Hêjayî gotinê ye; ku derhênerê Tirk “Kina’an Dimîr” ku ew bi xwe dostê Diyaa bû, got: ku girûpek ji qutabiyên xwebexş û di nav wan de Diyaa, pirojeyek damezrandin bi navê ” bila Sûriyên li Tirkiya bigernijin”, û da xuyakirin ku Diyaa bi niyaz bû di çarçoveyê heman pirojeyî de biçe Tirkiyê û li wê derê xizmetguzariyên pizîşkiya dinanan pêkêşî zarokên Sûriyê bike, û firçe û melhemê dinanan li ser zarokan belav bike.
Têzanîn ku tawana “Tişabil Hîl” li roja sêşema bûrî qewimî, ku tundrewekî Amerîkî bi navê “Kirg Stîvin Hîkis” (46salî) li bajarê “Tişabil Hîl” yê girêdayî wîlayeta Karolîna bakurê Amerîka, ku bi guleyan êrîşî xêzana Cîranê xwe Berekat kir û rabû bi kuştina heryek ji: “Diyaa Berkat” xwendekarê pizêşkiya dinanan yê (23salî) û hevjîna wî ” Yesir Mihemed yosif Ebû Saliha” (21 salî) û xûşka wê “Rezan” ya (19salî).
Jêder: Hevbendî+ Anadol
